Department of Animal Husbandry and Veterinary, Government of Mizoram, India

Ni 5, March 2020 khan Leng khua, Serchhip District-ah A.H & Vety Department, Government of Mizoram leh ICAR-National Research Centre on Mithun, Medziphema, Nagaland te tang kawpin a buatsaih, 'Se Kutpui' (Mithun Mela) hlawhtling taka hman a ni. He Se Kutpuiah hian Dr. Hmarkunga, Director, A.H & Vety Department chu khuallian a ni.

I. Session -I (Mithun Show)

Zing dar 8 ah Mithun Show tan niin Dr. Vanlalenga, Dy. Director kaihhruaina hnuaiah Mithun Show hi neih a ni a, Khaw panga; Leng, Sailulak, Lungkawlh, Vangtlang leh Riangtlei atang tein an sial vulh lai an rawn kal khawm a, Mithu Show-a sial ken khawmte hi a vaiin 54 lai a ni. Chief Judge Dr. Lalchungnunga Pudaite, Jt. Director hovin Judge atana ruat mi panga, AH & Vety Department atangin Dr. Lalhmingthanga Dy. Director leh Dr. Lalthansanga Khiangte, Veterinary Officer-te bakah ICAR-NRCM, Nagaland atanga mithiam pathum lokal ten tehfung hrang hrang hmangin an endik a, hetiang hi competition result a ni:

I. Tlaisial (Kum 1-1.5 ) category : (tel zat - 6)

(a) Pakhatna : Mithun Cooperative Society, Leng (Animal No.02, owner Lalbiakkima)

(b) Pahnihna : Vangtlang Ranvulh Association, Vangtlang (Animal No. -3, owner Vanlalthanga)

II. Sedawi (Kum 1.5 - 2.5 ) Category : (tel zat 8)

(a) Pakhatna : Riangtlei Sial vulh Association, Riangtlei (Animal No.05, owner Lalsangkima)

(b) Pahnihna : Vangtlang Ranvulh Association, Vangtlang (Animal No.4, owner Lalfamkima)

III. Sekhuang (Kum 2.5 - 4 ) Category : (tel zat 6)

(a) Pakhatna : Sailulak Sial vulh Association, Sailulak (Animal No.05, owner Lalrokima)

(b) Pahnihna : Mithun Cooperative Society, Leng (Animal No.4, owner F. Rohlupuia)

III. Sepui (Senu puitling, kum 4 aia upa, no hruai lai ) Category : (tel zat 10)

(a) Pakhatna : Sailulak Sial vulh Association, Sailulak (Animal No.08, owner B. Lalramthanga)

(b) Pahnihna :Riangtlei Sial vulh Association, Riangtlei (Animal No.7, owner Zodinliana)

Lawmman latute hi hetiang hian lawmman sem an ni : Pakhtna Rs 5000/- leh Certificate, pahnihna Rs 3000/- leh certificate, pathumna Rs. 2000/- leh certificate bakah consolation prize-te pek an ni bawk. Sechal (Sepa puitling, kum 4 aia upa_ category-ah hian Sechal a awm loh avangin lawmman sem a ni ve ta lo a ni. Sialte hi HS&BQ Vaccine pek nghal an ni bawk a, tin, kut palaite tan tukthuan tui tak buatsaih a ni bawk.

Session II (Technical Session):

Zing dar 10:30 atangin Leng Community Hall-ah Technical Session neih tan a ni a, he hun hi Dr. H. Laltlanmawia, Addl. Director-in a kaihruai a, Rev. RT Lianthang (E. Lungdar bialtu Pastor) chuan hunserh hmangin Se Kutpui programme Pathian hnenah a kawltir a. Khuallian Dr. Hmarkunga, Director, A.H & Vety Department chuan Mithun Show lawmman semin Leng VCP hnenah Se Kutpui hriatrengna dekchi lian a hlan a. Thu sawi nghalin, Mizorama Sial vulhtute tan project-te siamin A.H & Vety Department chuan hma a lak thu a sawi a ni. A ni bakah hian Dr. Lalhmingthanga Deputy Director, Dr. Kezhavituo Vupu, CTO (ICAR-NRCM) leh Leng khaw VCP, Pu B. Vanlalfinga ten thu an sawi bawk a, Dr. C. Zarzokima, DVO, Serchhip District-in lawmthu sawiin function tih tawp a ni. Heng programme karah hian zaithiam hrang hrang leh hmeichhe naupang lam thiam ten mipui an chawk hlim reng bawk a ni.

Session III (Farmer-Scientist Interaction)

Technical Session zawhah hian thingpui inho pahin Sial vulhtute leh mithiamte inkawm hona programme buatsaih a ni a. He hun hi Dr. Lalchungnunga Pudaite, Jt. Director-in kaihruaiin ICAR-NRCM atanga Scientiest lokal te leh Department atanga mithiam ten Sial vulhtut kal khawmte chu Sial vulh dan turte an kawhhmuh a ni. He hun hi Se Kutpui Palaiten an ngaihluin hlawkpui an inti hle a. Palai kalte hnenah Sechi (Chi hraw) quital 14 zet sem ral a ni.

Se Kutpui khar nan hian Sial pahnih leh vawk pahnihin hlim takin khawtlangin ruai an theh a ni.

(for more photos please goto : https://ahvety.mizoram.gov.in/page/se-kutpui-mithun-mela-2020 )