Ni 26, April, 2025, Dar 9:30am Khan World Veterinary Day 2025 chu Veterinary Polyclinic Hospital,Khatla,Aizawlah hman a ni. He hun hi Dr Robert Rualthankhuma President, IVA Mizoram Branch chuan a kaihruai a, Dr F.Lalramhluna Addl Director (VS&PH) chuan thusawina hun hmangin World Veterinary Day 2025 theme “Animal Health Takes a Team” tih chuan khawvel pumah ran Doctor ten ran hriselna kawngah hmun pawimawh tak an chang a, natna hri zawnchhuah kawngah te,ran damlo enkawl lamah te an pawimawh a, amaherawhchu hetiang tihlawhtling tur hian an mahni bakah veterinary technician-te, agriculture, wildlife conservation, public health mithiamte, ranvulhtute, ran neitute leh sorkar hotute thlengin mawhphurhna an nei a, ngun taka ran hriselna kawngah mi thahnem takin mawhphurhna kan neih te kan hlen theuh chuan khawvel hrisel leh chenna nuamah kan siam dawn a ni a ti.
Dr V.Lalzarzova Vice-President, IVA in lawmthu sawina in programme kharna hun a hmang a, Free Anti-Rabies Vaccination doses 150 ui leh zawhte ah pek a ni.
He ni pual hian DDK Aizawlah World Veterinary day theme sawihona neih a ni a, Ni 10 April khan Animal Health Camp, Saitualah neih a lo ni tawh bawk. Tun dinhmunah Mizoram State Veterinary Councilah member 405 an awm mek a, Kum tinin World Veterinary Day hi April thla inrinni hnuhnung berah neih thin a ni a,ran Doctor ten ran hriselna venhimna leh enkawlna kawnga an hnathawhte hriatrengna hun atana hman thin ani. Vawiin programme hi AH & Veterinary Department,Government of Mizoram,Indian Veterinary Association (IVA) leh Mizoram State Veterinary Council (MSVC) tangkawpina buatsaih a ni.
Issued by Information wing
Directorate of Animal Husbandry & Veterinary Department
Government of Mizoram.
