PIGFED Contact No
1. Chairman / Office - 0389-2333064
2. Managing Director - 0389-2333032
3. PIGFED Feed Store, Bawngkawn - 9436152050
Mizoram Pig Producers’ Cooperative Federation Limited (PIGFED) hi Cooperative Act hnuaiah Registered a ni a, registration number chu AW -29/88-89 of 6th June, 1989 a ni. He Federation hian Mizoram mipui a huam a ni.
A. PIGFED THIL TUM TE :- (Section 2 of Bye laws)
1. Mizoram veng/khaw hrang hranga thurawn te a pe ang a. Vawksa hralhna leh a enkawl dan reng rengah hma a lakpuii, a kaihruai ang. Chubakah, heng a hnuaia mite hi a ti thei bawk ang.
2. Primary Pig Producer Cooperative Society thar te siamin, thurawn te pe in, a tul ang anga puih te leh, a tul anih chuan Cooperative Registrar – in rem a tihna in Society – te kalphung pawh a ti danglam thei ang.
3. Vawksa zawrh leh hralh chungchangah hma a la in, zau zawk leh tam zawka hma lak a tum ang.
4. Member te tan a theihna kawng kawngah hma ala in, man man zawka hralhna leh a tih chhuahna kawng a dap ang.
5. Society te harsatna bakah vawk hrisel zawk leh a sa thianghlim zawk kan neih theihnan a damdawi lam te a ngaihtuah ang.
6. Vawk/Sa phurhna tur a ngaihtuah bakah a dahna tur a ngaihtuah ang.
7. Society member te vawknote pe thei turin ram (farm) a nei thei ang.
8. Vawk chaw leh vaccine/damdawi te society te tan a ngaihtuah ang.
9. Society member te inzirtir/zirtirna tur hmun a siam ang.
10. Society member te vawk enkawl dan chungchang reng rengah thurawn/tanpui/ leh a tul ang ang a pe in, a pui ang.
11. Federation leh society te harsatna te en fela, vawksa tih punna lam leh a hralhna lamah hma lak zel a tum ang.
12. Society member te tan vawk/sa man chungchang a bi tuk/siamsak leh mipuite hnena tlangzarh a tum ang.
13. Society member te hnen atanga vawknote lei sak leh a hralhna a ngaihtuah sak ang.
14. Society te hnenah thil tul hriattir zung zung zel leh, a theih chuan computer system te pawh neih a tum ang.
15. Vawk talhna hmun a ngaihtuahin, a tul angin load te pawh a pe thei ang.
B. MEMBERSHIP :- Tunah hian(April 2016) hian PIGFED hnuaiah Primary Pig Producers’ Cooperative Society 176 nos an awm. PIGFED hi Mizorama Pig Producers’ Cooperative Society, Cooperation Department-a registration nei te tan zawm theih a ni a, PIGFED zawm duh chuan dilna siamin dil theih a ni a, hei hi PIGFED Board of Directors in a remtih chuan share leh admission fee pe in zawm theih a ni.
C. INRELBAWLNA :-
a) General Assembly : Hei hi PIGFED inenkawlna leh inrelbawlna a thuneitu sang ber a ni. General Assembly hi kum tin neih thin a ni a, hetah hian PIGFED hnuaia Society te chu tel ngei tura beisei an ni.
b) Board of Directors : PIGFED hnathawh dan tur leh kalphung te rel fel turin member society ten an aiawh tur Annual General Assembly-ah an thlang chhuak thin a, heng te bakah hian sawrkar atangin member tur hi ruat thin a ni bawk a ni. Tin, PIGFED Managing Director chu Ex-officio member a ni bawk. Kum 2013-2018 chhung atana PIGFED Board of Director te chu :-
1. Elected Members :-
i) Pu F.Zosanga, Chandmary W - Chairman
ii) Pi Roengi, Edenthar - Member
iii) Pu Laltanpuia,Dam Veng. - Member
iv) Pu P C Zuanthanga,Lunglawn,Lunglei - Member
v) Pi Ngurhmingthangi,Thenzawl - Member
vi) Pi Lalrinfeli,Chaltlang - Member
2. Government nominees :-
i) Registrar, Cooperative Societies, Mizoram or his representative.
ii) Director,AH&Vety Department,Govt.of Mizoram or his representative.
iii) Director, Food Civil Supplies & Consumer Affairs Department, Govt. of Mizoram or his representative.
iv) Managing Director, Mizoram Cooperative Apex Bank or his representative.
v) Dr. KVL Rochharzela, Piggery Specialist.
3. Managing Director, PIGFED (Ex-officio)
D. HEAD OFFICE :- PIGFED Head office hi Mizoram State Vety Council building, Khatla, near Directorate of AH & Vety ah a awm a, heath hian thawktu a hnuaia tarlan ang hi an awm mek a ni. An ni hian a tul angin Federeation hmalakna hrang hrangte an bawhzui thin a ni
1) Managing Director - 1no (Deputation from AH & Vety Department)
2) Manager - 1no
3) UDC - 1no
4) LDC - 2nos
5) Driver - 3nos
6) Peon/Chowkidar - 2nos
Total - 10nos
E. SHARE CAPITAL :- Federation authorized share capital hi Rs.1crore a ni a. 1.4.2012 a paid up share capital chu hetiang hi a ni.
a) Government share - Rs. 12,25,000.00
b) Society share - Rs. 6,17,500.00
Total - Rs. 18,42,500.00
PIGFED zawmtu society te hian a telm berah share 3 tal an neih a ngai a, share 1 hi Rs.1000/- zel a ni.
F. SUMDAWNNA :- PIGFED member vawkvulhtute harsatna lian ber chu vawk chaw hi a ni tih hria in PIGFED chuan he harsatna sukiang tur hian theih tawp a chhuah reng a. Member ten vawk chaw tha man tlawm zawka an lei theih nan Bawngkawn,Kulikawn leh Vaivakawn Aizawl ah te vawk chaw dawr a siam a, heta tang hian vawk chaw a tlawm thei ang bera zawrh chhuah a ni.
G. BASE PIG BREEDING FARM, THENZAWL :- He farm hi NEC tanpuina hmanga din a ni a, vawkpui 100 vul theihna a ni. Kum 2012 khan NLUP Infrastructure Fund pawisa hmangin he farm hi chei that a ni a, He farm atnaga vawknote thar chhuah te hi a mamawh apiang hnenah cheng 4000/- zela hralh chhuah thin a ni.
E. Activities: 1. Primary Society kaltlangin Farmers training pek thin an ni.
2. Artificial Insemination: Aizawl khaw chhungah Inseminator mi 7 an nei mek a,nikhatah vawkpui 25-30 vel AI an ti thin.Success Rate hi-75-80 % vel a ni.
3. Pig Feed hi local market rate aia tlawm zawkin Pigfed sales booth ah an hralh chhuak thin.Feed quality hi College of Veterinary Science, Selesih ah check thin a ni.
F.Pigfed thawhpui te: 1. North East Innitiative Development Agency.( Tata financed)
2. North East Rural Livelihood Project( World Bank financed)
Hengte nen a thawk ho hian Residential farmer Trainning an pe bawk thin.
