Dated 29th April 2025,Thawhlehni,Aizawl : Vawiin Dar 10:30am khan A.I Training Centre,Selesihah Mizoram Veterinary Service Association ten Annual General Conference vawi 41- na an hmang.He hun hi Dr Robert Rualthankhuma President MVSA in a kaihruaia,Chawhma lamah report ngaihthlak leh rorelna hun hman a ni a,an member superannuation pension a chhuak tur Dr F.Lalramhluna Addl Director (VS&PH) thlahna hun hman ani bawk.Chawhnuah MAH&VS Upgradation lawmna hun hman a ni a.

Chawhnu hunah Dr R.Zothanmawii Director & Adviser MVSA in lawmna thu a sawi a,Khuallian Hon'ble Minister AH & Vety Department Pu C.Lalsawivunga chuan thusawina hun a hmang, Minister chuan Department a thawktu te chungah theihtawp chhuah a thawk ho zel turin a sawm a,Pathianin thiamna bik a pek hmanga thahnemngai taka midangte te tana malsawmna ni turin a fuih,Hun kal tawha thahnemngai taka lo thawktu hruaitu hmasate hnenah lawmthu a sawi a,kan ramin sa leh artuiah a intodelhna loh nachhan hi kan ngaihtuah angai a chuvangin project kan siam thin te pawh hlawhtling ngei tura kan kalpui angai ani ati,Ramrikawna ranchaw siamna,Lunglei leh Champhai lama bawnghnute sawngbawlna hmun te pawh outsourced tum ani a,Slaughter house Mualpui pawh Aizawl Municipal Council (AMC)  kutah hlan tum ani a ti, Lungkawla sial in thlahpunna tur chu hawn ni tawhin chaktaka kalpui mek ani a,Sorkar flagship programme Handholdingah theihpatawp chhuah a,a hlawhtlinna tura ke pen turin a fuih a,ASF nena kawsak dun thiam zir angai tawh a mipuiah hetiang lama zirtirna pek a tul tawh ani ati. ASF compensation pekchhuah nual a ni tawh a,hemi chungchangah hian hmalak zel ani a, Sa leh artuiah intodelh tur chuan a chaw/fodder a kan in todelh hmasak angaia chuvangin hmun tam takah fodder chin angaia ani a ti.Intodelh turin kan thiamna leh kan finna kan hriatna kan ram tan a hlan teuh turin a sawm bawk

.Khualzahawm Pu V.Malsawmtluanga MLA,Vice- Chairman,Lunglei High Powered Committee pawhin thusawiin ranchaw (Fodder) awlsam leh tlawm zawka thar chhuah a nih kawngah Department hmalaknate lawmawm a tih thu a sawi a,Ran hrilselna tura enkawlnaah thahnemngai leh zual turin a fuih a,Sorkar flagship programmes ah nasa taka hmalak anih naah hnathawk tute an hlu hle ani ati,Tihtakzeta ram rawngbawlna hna thawk zel turin a fuih bawk. Dr C.Lalrintluanga,Secretary Retired Vets of Mizoramin MAH&VS upgradation neih dan kimchang sawina hun a hmang a,Sorkarin AH & Veterinary Department a ngaihpawimawh avangin lawmawm a tih thu sawiin, heng avang hian Departmenta thawktute pawh thahnemngai taka thawk turin a fuih bawk. Dr Rosangzuala, Secretary i/c Organization in lawmthu sawina in hun a khar a. Tunah hian AH & Veterinary Department hnuaia sanction post 115 awmah  MVSA member 70 an awm mek a ni.MVSA rorel zingah sawrkar flagship programme Handholdingah selected partner nei tam ber kan nih angin tha taka kalpui a nih theih nan hmalak ni rawh se tih chu lungrual taka pawm a ni.AH & Vety Departmentah hian sorkar Handholding schemeah progress partner mi 3500 leh CM packageah mi 13,000 chuang diltu an awm a ni.