Ni 5.1.2021 khan AH&Vety ran chaw herna hmun Ramrikawn leh Artui tih keuna hmun Tanhril amite Minister hian tlawhin ran chaw herna khawl thawm that ngai leh inchung phuilo thawmthat ngaite chu siamthat nghal tur anih thu sawiin Dr K Beichhua chuan tihtak zetin ransa ah intodelh turin hmalak ani a, ran chaw khamkhawp kan neih angaia chumi tur chuan Agriculture dept-te nen tang hoin tunah hian tualchhunga Vaimim chinte Vety Dept-in a leikhawm mek tih a sawi a, Minister chuan Quintal sing chuang lei an beisei laiin 450qtl vel chauh leitur an hmu rih tih a sawi a, tunah hian ramdang atanga vawk lakluh kan khap mek a, tualchhung mi thalai leh hetiang lama tuiten Vawk farm nasa takin an siama, tualchhung tharchhuah atangin vawk vulh turah chuan intodelh theih a beisei thu Vety Minister chuan a sawi bawk.
Pu Beichhua chuan Ar tihkeuna hmun chu tunah hian tamzawk tihkeuna tur siam turin Sorkarah sum dil mek a ni a ti a, tuna Ar tihkeu theih zat, karkhata sing 2 ni thin chu ruahmanna thar an peih hunah chuan kar khatah sing 6 a tih keutheih tawh dawn ani a ti. Minister chuan ramdang atanga lalut loin Arsa leh Artui ah chuan intodelh theih an beisei tih a hmun a tlawhnaah hian sawiin Chief Minister Pu Zoramthanga kaihruaina hnuaiah sorkarin nasa taka hma alak dawn avangin thawk tute pawh an thu maimai hman dawn loa kan ram economy hnukpui haichhuak turin beihpui an thlak dawn tih Vety Minister chuan a sawi ani.
Tunan hian ran chaw herna hmun ah hian Bawng, Vawk leh Ar chaw te hermek niin nikhat ah a vai thuiin 110qtl vel ran chaw hi her chhuah theih anih thu thawk tute hian Minister hi an hrilh. Vety Dept hotute chuan Covid Hrileng avangin mi tamtakin ran vulh lamah pawh tan anla nasa tih an sawi a, tunah hian thlakhat ah Vawk 700 chuang Vety dept in kap rai thin anti a. Nikum 2020 chhung khan Tanhrila Artih keuna hmun ah Broiler nuai 1,23,477 tih keu ani a, Artui tam chi Rainboo Rooster leh Brown Layers nuai 1,80,178 tih keu niin Artui nuai 4,10,591 thar chhuah ani bawk. Vawiina Vety Minister in heng hmunte a tlawh na ah hian AH & Vety Director Dr Hmarkunga, Adl Director Dr Laltlanmawia, Jt Director Dr Lalhmingthanga leh Farm hnathawk ten an tawiawm ani.
