Vawiin Ni 17 April 2023 7am khan Er Lalrinawma Minister AH & Vety chuan Rural Slaughter House, Mualpui a tlawh a, Minister hi AH & Vety Secy Pi Lalzarmawii leh Dr Lalngura tlau Jt Secy ten ṭawiawmin AH & Vety Dept Director, Addl Director, Jt Director, Deputy Director (VPH), Deputy Director  (VE & E), V.O (VPH) leh Engineer section lam ten an lo dawngsawng a ni.

Tun hnaia Department-in Effluent treatment plant (ETP) a siam thar te bakah Slaughter house rennovation leh sewage line siamṭhat te a endik a,Ran talh dan chungchanga siam rem ngaite pawh sawiho a ni bawk.

Tun dinhmunah  Slaughter house, Mualpuiah hian Bawng 500-600 thla tin talh ṭhin a ni a, Zirtawp zan bikah 70 - 80 vel talh ṭhin ani bawk. Aizawl Municipal area chhunga bawng talh 90% vel chu he Slaughter house-ah hian talh ṭhin ani.