Dt.22/1/2020 khan AH & Vety. Department chuan Quarterly Departmental Review Meeting (October-December, 2019) Minister Dr.K.Beichhua hovin Polyclinic Conference Hall, Aizawl-ah an nei. District tina department hotute leh farm enkawltute bakah Aizawl a officer awm hote an tel kim hle ani.
He meeting hi AH & Vety. Director, Dr. Hmarkunga’n a kaihruaia a, Minister Dr.K.Beichhua chuan thusawiin hetiang Quarterly Review Meeting neih hi a pawimawh thu sawiin kan hnathawh dan leh kalhmang te inhriatpuitawnna hian thawh hona tha a hring chhuak a ni tiin, District tin rualkhai taka hmasawnna kalpui turin hmun hrang hranga thawk tu ten mahni level theuh a theihtawp chhuaha thawk turin kal khawmte a fuih.
He Quarterly Review Meeting ah hian October-December, 2019 chhunga District leh Farm hrang hrang a a hnathawh leh hmalakna te leh hlawhtlinna report te ngaihthlak a ni a, hmasawn zel dan tur te sawiho a ni. Hei bakah hian Department in scheme hrang hrang hmanga hnathawh dan kalhmang te leh hmachhawp awmte Nodal Officer ten power -point presentation hmanga entirna leh sawifiahna neih niin sawihona hun tha tak hman a ni. Dr. H.Laltlanmawia, Addl. Director(AH&DD), AH& Vety. in lawmthu sawina a neih hnuah he meeting hi tih tawp a ni
