Dated Aizawl 25^th April 2026 : Vawiin chawhma dar 9:30am khan World Veterinary Day 2026 chu AH&Veterinary Department,Government of Mizoram,Mizoram State Veterinary Council leh Indian Veterinary Association te tang ho in an buatsaih. He hun hi Aizawlah hmun thumah hman a ni a,a hmanna lian ber State Veterinary Polyclinic Hospital,Khatla a neih chu Dr Lalrotluanga Sailo Director AH & Veterinary  Department chuan a kaihruaia,Dr Lalnunfeli Tochhawng Registrar Mizoram State Veterinary Council chuan thusawina hun a hmang, Registrar chuan Tun kum World Veterinary day thupuiah “Veterinarian :Guardian of Food and Health” tih hman a ni a,hei hian ran hriselna, mihring hriselna leh eitur lama kan himna chungchangah Veterinarians ten mawphurhna   pawimawh tak an nei a ni a ti, India ram hi ranvulh tamna ram a ni a, loneitu leh khawtlang mipui ten ranvulh hi eizawn nan an hmang nasa em em a, chuvangin veterinarians te chu ran enkawl mai nilovin, sa a sumdawn na (Meat Industry) ah mawhphurhna pawimawh tak an nei a, he ni in a tum ber chu Veterinarian te hlut na leh an hnathawh pawimawh tak tak te mi zawng zawngin an hriat theihna tura tarlan hi a ni a ti. Lawmthusawina in Dr Robert Rualthankhuma President IVA chuan hun a khar a,Hemi rual hian Aizawl hmun hnihah programme hman ani a,Lawpui Halla neihah Dr Lalnunpuii Zadeng Asst Director (VE&E) chuan a kaihruaia Dr Lalramngheta Deputy Director (L&E) chuan thusawina huna a hmang. Thuampui LC Hall a hmannah Dr C.Lalnunpuia V.O Durtlang in a kaihruaia Dr Gracia Lalchamzuali Deputy Director (VE&E) chuan thusawina hun a hmang bawk,Heng hmunah te hian Free Anti-Rabies vaccination ui leh zawhte 196ah pek ani a, ran entir 115 te hnenah a thlawnin ran damdawi semchhuah a ni. 

Awareness campaign,IVA hruaitu thlan leh World Veterinary Day lawmna programme chawhnu dar 2pm ah Mc Cabe Hall,Aijal Clubah neih a ni a,Session I-na chu  Awareness campaign,leh IVA hruaitu thlanna hun a hman ani a,Dr V.Lalzarzova Vice-President,IVA in a kaihruaia Dr Suzanne Malsawmthangi Treasurer IVA in finance report a pe a, Awareness campaign on “ Veterinary Council of India – Standard of  Professional conduct,etiquette and code of ethics for Veterinary practitioners Regulations 1992” chu Dr Lallawmzuali Ralte Associate Professor CVSc & AH,Selesih in a zirtira  Indian Veterinary Association hruaitu thlanna neih a ni bawk.

Session II-na chu World Veterinary Day 2026 lawmna programme a hman a ni a.He hun hi Dr Robert Rualthankhuma President IVA chuan a kaihruaia  Dr C.Lalchhandama Secretary in report a pe a,Dr Joy Lalmuanpuia Asst Professor CVSc & AH,Selesih chuan world veterinary day theme chungchang sawina hun a nei a,Khuallian Pu Lalsangliana Secretary AH&Veterinary Department chuan thusawiin Mizoramah Vety Doctor hmasa ten hmathlir tha tak neiin kawng thui tak an lo sial tawh a chung te chu hmu thiama thanhnemngai taka thawk turin Vety Doctorte chu a sawm a,kan eizawnnaah tih takzeta thawka hlawhlakna ringawt ngaihtuah lo a, service tha thei ang ber pechhuak turin a fuih a,veterinary profession zirchhuakte chu thahnemngai taka an profession tana thawk tura chahin,World Veterinary Day tluang taka an hmang thei chu lawmawm a tih thu a sawi bawk. Dr Lalrotluanga Sailo Director leh Dr Lalremliana President Mizoram State Veterinary Council khualzahawm hnen atangin thusawi ngaihthlak a ni a, He hunah hian ran hmangaihtu leh hemi lama an thawhthat avanga chawimawina thuziak mi 10 te hnenah hlan a ni. Dr Suzanne Malsawmthangi Treasurer IVA chuan Lawmthusawina in hun a khar.

 Indian Veterinary Association 2026-28 chhunga hruaitu thlan thar te chu President Dr V.Lalzarzova,Vice-President Dr Robert Rualthankhuma,Secretary Dr C.Lalchhandama,Asst Secretary Dr K.Lalchhanhima,Treasurer Dr Suzanne Malsawmthangi,Finance Secretary Dr Rebecca Lalmuanpuii te an ni.Tunah hian Mizoram State Veterinary council hnuaiah mi 411 an in register tawh a ni.

World Veterinary Day hi Kum 2000 atanga hman tan ni in kumtin in April thla inrinni hnuhnung berah hman a ni thin a, khawvel pum ah Veterinarians te pawimawhna leh an hnathawh ropui takte hriatpuina tura siam a ni a, World Veterinary Day hi World Veterinary Association (WVA) leh World Organisation for Animal Health (WOAH) te din a ni a, he ni hi khawvel ram hrang hrang a Veterinary Association te thlunzawmtu pawimawh tak ani. 

Issued by

Information Wing

AH & Veterinary Department

Government of Mizoram