World veterinary Day 2023 chu 'Tuma Resort', Bungbangla-ah April Ni 29 khan hman a ni a. He programme hi IVA leh AH & Veterinary Department tangkawpin a buatsaih a ni a, he hun hi Dr Lalremliana IVA President in kaihruaiin a vawikhat nan Pu Er Lalrinawma Hon’ble Minister AH & Vety Department-in World Veterinary Day hi a hmanpui a ni.

Kumin World Veterinary theme chu 'Promoting Diversity, Equity and Inclusiveness in the Veterinary Profession' tih a ni a,Theme chungchang ngaihnawm takin Dr C.Lalmuanthanga,Asst Professor, CAU,Selesih hnen atangin ngaihthlak a ni a. Dr Jonathan Lalsiamthara Ralte, Researcher Oregon Health and Science University hnen atangin thusawi bengvarthlak tak ngaihthlak a ni bawk a, IVA member thahnem tak he hunah hian an tel a ni.