Ni 28 September Dar 11am khan AH & Vety Dept, Mizoram State Veterinary Council, Indian Veterinary Association leh All Mizo Veterinary Medical Student Association tangkawp bul tumin Aizawl hmun thumah World Rabies Day - 2024 hman a ni.
He ni hmanna Veterinary Polyclinic Hospital, Khatlaah chuan Dr R.Zothanmawii Director, AH &Vety Dept in thusawin World Rabies Day hmang tura lokal zawng zawngte chungah lawmthu a sawi a, kum tinin World Rabies Day hi Louis Pasteur thih cham ni 28 September-ah hman thin a ni a. Tunkum World Rabies Day thupui chu 'Breaking Rabies Boundaries' tih anih angin he hri upa tawh tak hi vaccine, damdawi leh hmanrua tha zawkte hmanga chhut chah theih a ni tih inzirtir ani, AH & Vety Dept chuan Anti-Rabies Vaccine te pechhuak thinin, he hri vennah hian theihtawp a chhuah thin a chuvangin kan ran vulhte tha taka enkawlin a hun takah vaccine te kan pe thin tur a ni ati.
He hun hi Dr Lalnunfeli Tochhawng Registrar, Mizoram State Veterinary Council in a kaihruaia,Tv C.Lalrinmawia Secretary AMVMSA Golden Jubilee celebration-in lawmthu sawinain hun a khar a ni. He programme hi Veterinary Dispensary, Durtlangah leh Animal Feed Plant, Ramrikawnah te a rualin hman a ni a, heng hmun hrang hrangah te hian Anti-Rabies Vaccine a free in doses 500 pekchhuah a ni.
