September ni 28 hi khawvel pumah kum 2007 atangin kum tin World Rabies Day atan hman thin a ni. Kuminah pawh he ni atana theme (thupui) ah ‘VACCINATE TO ELIMINATE’ tih hman a ni. He World Rabies Day-ah hian ui a hri (rabies) laka kan invent theihna tura awareness neih leh he natna tihbaiawm tak hi kan hneh a kan umbo theih nana hman thin a ni.

Mizoramah pawh he World Rabies Day pual hian Dr. Lalnuntluanga Colney, Jt. Director (LH) thusawi Doordarshan Kendra ah leh All India Radio-ah te tihchhuah a ni.

Lengpuiah hemi ni pual hian Krishi Vigyan Kendra (KVK) Mamit District leh A.H & Vety Department, Mizoram te tangrualin a thlawnin ui a hri danna (Antirabies vaccine) an pe a, ui 136 lai an  chiu a ni.