(Nillaithawhtanni) Vawiin dar 10 khan veterinary Hospital leh clinics Licence Inspection Team te chuan Bualpui leh kolasiba Private Hospitals leh clinics te licence dilna te chu a hmunah kalin an enfiah.The Mizoram Licencing & regulation of private veterinary hospitals leh clinics Act 2021 (No 3 of 2021) in a sawi angin Inspection team te chuan Mizoram hmun hrang hrang atanga licence dilnate a hmunah kalin an enfiah a,Inspection Team hi Dr Lalremliana President MSVC in ho in,Dr F.Lalramhluna Addl Director AH & Vety Department,member,Dr TC Lalthanzauva Mizoram state veterinary Association representatives,Dr Thangzadinga Nodal officer leh Dr Lalfamkima IVA representatives te an ni.Heng licence dilna an enfiah tangin licence te pekchhuah an ni anga,Mizoram puma licence dil hi Aizawl Districtah 10,Lunglei district 4 Siaha District 2 Kolasib District 3 te an ni a,Dan in a sawi angin Veterinary Hospital leh clinics hawng tur chuan Veterinary doctor Mizoram State veterinary councila in register te chuahin an enkawl tur a ni a,an hmanrua leh damdawi te pawh danin a phal ang chin a ni ngei tur a ni,chuvangin heng dan awmsa zawm famkim lo te chu licence pekchhuah an ni lo ang.Inspection neih rual hian one day sensitization workshop on “The Mizoram Licencing and Regulation of Private Veterinary Hospital & Clinic Act 2021” and “Standard of professional Conduct,Etiquette & Code of Ethics for Veterinary practitioners Regulations 1992 “ neih nghal ani a.Dr Thangzadinga Deputy Dircetor (LH) chu resource person niin Vety Doctorten an ran enkawlna kawngah thahnemngai taka thawk turin leh an zir thiamna te dik taka hmang tura in zirtirna neih a ni.Workshopah hian District tin a private practitioners te an tel kim hle.Private Hospital leh clinics Inspection leh workshop hi ni 12 November khan MSVC Hall,Aizawlah,Ni 20 November khan DVO conference hall,Lunglei leh Ni 21 November khan DVO Office Siahha te lo neih tawh a ni.
Issued by Information wing
Animal Husbandry & Veterinary Department
Government of Mizoram
