19^th December Nilaithawhtan, chhun  dar 12 khan Veterinary Polyclinic Hospital, Khatla ah Animal Husbandry & Veterinary Department hnuaia Veterinary Hospital-ah a hmasa ber atan computerized registration  hawn a ni. He hun hi Dr PC Lalsangzuala ,Joint Director (Poly) chuan kaihruaiin ran entir turte tan rang zawk leh awlsam zawka registration an tihna turin a bika siam software hmanga computerized registration tih a nih thu a sawi a. He software hman a nih tawh chuan record felfai tak a awm thei tawh ang a, report siamna ah te ran natna hri zawnchhuah chungchangahte, ran enkawl dan tur leh ran damlo zat te hriat chianna kawngah  nasa takin a pui thei dawn ani. Computerized registration software hi Romei Dynamics te siam a ni a, he registration system hi Dr F. Lalramhluna Addl Director (VS&PH) chuan a hawnna neiin Polyclinic Hospital-in anmahni thahnemngaihnaa hmasawnna an nei hi lawmawm a tih thusawiin, ran entirturten felfai taka registration an tih theih tawh tur thu chu lawmawm a tih thu a sawi a, District Headquarters a Veterinary Hospital-ah te pawh hman  ve thuai a beisei thu a sawi bawk. Computerized registration hawn anih atang hian ran entir turte tan hman nghal a ni.

Issued by
Information Wing
Animal Husbandry & Veterinary Department
 Government of Mizoram