Vawiin July ni 14, 2026 dar 10 AM khan State Veterinary Polyclinic Hospital Conference Hall, Khatla-ah ‘One day training on Hygenic meat production, meat safety and value addition technologies for Development of North-Eastern India’ chu A.H & Veterinary Department, Government of Mizoram leh ICAR-NMRI, Hyderabad tangkawpin an buatsaih.
He hun hi Dr Lalfamkima Deputy Director (F&FD) chuan a kaihruaia, Resource person Dr Suresh K Devatkal Principal scientist ICAR-NRMI, Hyderabad te. Dr. Michael V. Lalrinzuala V.O (VPH) leh Dr. Vandita Mishra Assistant Professor, LPT, C.A.U, C.V.Sc. & A.H, Selesih ten zirtirna an pe. Training-ah hian India hmarchhaka ran talh tute leh a zuar tute hnenah sa thianghlim taka sawngbawl dan leh dahthat dan chi hrang hrang te, meat processing India hmarchhak ten kan hlawkpui ve theih dan tur te leh thianghlim taka ran talh dan te, sa atanga eitur tuihnai tak tak siam dan te leh sa vawnthat rei dan te zirtirna hun neih a ni.
Sa thianghlim chauh kan ei thei nan ran talhtute leh zuar tute pawh an in enkawl faiin sa atanga natna kaichhawng tu an ni tur a ni lo a, ranvulhtu ten ran hrisel tha chauh an hralh thin tur a ni. Ran kan talh dan ah te, sa kan sawngbawl dan ah te, kan talhna hmun leh hmanrua kan hman te tun aia a lo thianghlim theih nan hmasawnna tur tam tak kan neih dan te in zirtir a ni a, hemi chungchangah hian sawi hona tha tak neih a ni bawk.
He training-ah hian Rural Animal Slaughter House, Mualpui leh Brigade-a ran talh thin te leh Bazara sazuar tute mi 20 an tel a ni.
Training kharna hun hi Dr. Lalrotluanga Sailo, Director, Animal Husbandry & Veterinary Department chuan a hmanpui a, training a kal te hnenah certificate leh ran talhna atana hman tur hmarua tangkai tak tak sem a ni bawk.
Issued by
Information wing
Animal Husbandry & Veterinary Department
Government of Mizoram
