Ni thum (9-11 August 2023) awh tur Training  “Refresher cum Short course Training on Artificial Insemination in Dairy Cattle“ chu Minister Er Lalrinawma’n  Ni 10.8.2023 khan AH & Vety Polyclinic Hospital Conference Hall, Khatlaah a hawng. Minister chuan tunlai Technology tha tak takte a nihna ang taka chhawr tangkai thei turin a enkawl dan dik leh felfai neih hmasak a tul thu sawiin, Doctor training-na a lo kal ten training hlawkthlak tak hmang theuh turin duhsakna a hlan a. He hun hi Pi Lalzarmawii IAS Secretary AH & Vety in a kaihruaia, Dr Lalrinpuii Sailo Director AH & Vety in training buatsaih chhante a sawifiah a, Dr R.L Tanpuii Addl Director (AH &DD) in lawmthu sawiin hun a khar a ni. He trainingah hian Department Officer-te, FOCUS leh MVU Doctor mi 30 an tel a, Practical training chu AH & Vety Farm, Selesihah neih a ni ang. Resource person atan Dr Lalhmangaiha Deputy Director (F&FD), Dr H.Lalzarliana, Manager, RPBF,Selesih, Dr MS.Dawngliana V.O North Vanlaiphai leh Dr K.Lalchhanhima V.O(MVU) te hman an ni.