Vawiin 26.4.2024, Zirtawpni Khan Mizoram Veterinary Service Association (MVSA) te chuan, Vety Rest House, Selesihah Annual General Conference vawi 40-na an hmang a, he conference-ah hian Dr C.Lalrintluanga Director, AH & Vety chuan thusawiin Department Officer-te inpawh tlang taka thawhho theih a pawimawh ziate a sawi a, mahni zawna thahnemngai tak leh hmasawn tum zela thawk turin a fuih a, Central scheme-te pawh zirchianga a hlawk thei ang bera hmang tangkai turin a ngen a, Mobile veterinary unit (MVU) leh Call center 1962 chu nasa zawka hman tangkai anih theih nan mipuiah nasa zawka puangzar turin a chah bawk a, tun hnaia ASF leng thar leh chungchangah Department-in a chak thei ang berin hma a lak zel thu a sawi bawk.
He hunah hian Kum 2024-26 chhunga MVSA hruaitu thar thlanna hun neih ani a, hruaitu thlan thar te chu :-
President : Dr Robert Rualthankhuma
Vice-President : Dr T.C Lalthanzauva
General Secretary : Dr V.Lalzarzova
Secy i/c Organisation : Dr Rosangzuala
Secy i/c Information & Publicity : Dr Zohlimpuia
Treasurer : Dr Ruby Ngurnunmawii
Financial Secy : Dr C.Neihthangpuii
He conference-ah hian thurel pawimawh tak tate zingah Department in ram a neih te hi nasa leh zuala humhalh a, hman tangkai dan zawn nise tih chu lungrual taka pawm a ni. Kum 2023-24 chhung Khan service member mi 7 te pension-in an chhuak a,Ni 9.3.2024 khan CM relief fund-ah Rs 1,00,000 MVSA hminga hlan a ni. National award Surgery subject a dawngtu Dr John B.Khithie chu MVSA chuan chawimawina a hlan bawk ani.
