Ni 11 April 2025, Zirtawpni,12:30pm khan Hon’ble Minister AH & Vety Department Pu C.Lalsawivunga chuan Mithun Multiplication Centre, Lungkawlh Serchhip District chu a hawng. He hun hi Dr F.Lalramhluna Addl Dir (VS&PH) chuan a kaihruai a, Chief Guest Hon'ble Minister Pu C.Lalsawivunga chuan thusawiin state danga atanga eitur tam tak kan lakluh angaih laia sa a kan intodelh theihna tura project pawimawh tak siam a ni hi lawmawm a tih thu a sawi a,Sial vulhtu society-te mawhphurhna a san dawn avangin taima tak leh thahnemngai taka thawk turin a fuih a, Lungkawlh atangin zoram hmun hrang hrangah se vulh tur te pekchhuah a ni dawn avangin tha taka thawk turin duhsakna a hlan bawk. FOCUS 2.0 atangin bio security fencing te pawh beisei mek a nih thu a sawi bawk a,Guest of Honour Pu Lalmuanpuia Punte Adviser to Chief Minister pawhin thusawiin Project tha tak siam ani hi lawmawm a tih thu a sawi a,sial hi kan mizo culture nen a in mil tlat sum tam tak lakluh theihna niin hlawhtling ngei turin duhsakna a hlan a,sial vulh uar deuh deuh turin a sawm bawk.Dr Robert Rualthankhuma Dy Director (P&M) hnen atangin technical report ngaihthlak a ni a, Mithun Multiplication Centre hi Lungkawlh Sialvulh Co-operative Society ten kum 2022 a Sesih leh Luangphul ram,Lungkawlh, Serchhip District a din turin he project hi North Eastern Council (NEC) huaiah funding an dil angin Rs Nuai 531.83/- senga siam a ni a, Contractor atan AIE construction,Tuikhuahtlang Aizawl thlan a ni a. He Centreah hian Sial In te,watch tower, isolation ward,bio security fencing, solar lighting system,surgical instruments,vaccine,medicine leh tuldangte dah a ni,He project hi hlawhtling taka kalpui anih hunah chuan Sial chi tha tam tak vulh pun a hlawk leh awmze nei zawka sial vulh te,Sial vulh tute sum lakluh tih pun te,mipuite lo neih aia sial vulh uar tir a ramngaw chereu tur ven te a ni dawn a ni.Lungkawlh Sialvulh Farming society ah hian member 62 an awm mek.Thusawi Dr Peter Malsawmtluanga SDO (Civil), N.Vanlaiphai leh Pu Biakkunga Vice Chairman Lungkawlh Sialvulh Farming Society te hnen atangin ngaihthlak a ni bawk. Lawmthusawina in Dr H.Vanlalrawna DAH & VO,Serchhip in hun a khar a, He hunah hian Lungkawlh khawtlang hruaitute leh AH & Veterinary Department atangin senior officer te an tel bawk.
Issued by Information wing
AH & Veterinary Department
Government of Mizoram
