VAPHAI, 17 September 2026: AH & Vety Department changtu Minister zahawm tak Pu C. Lalsawivunga chuan Bana Kaih (Handholding) hnuaia ranchaw atana vaimim chinna hmun tlawhin vaimim nuaina khawl leh tarpaulin semna programme a hman pui. He programme ah hian Pu Lalsangliana, Secretary to the Govt of Mizoram, Dr Lalrotluanga Sailo Director AH & Vety Department, Officials leh khawtlang hruaitute mai bakah farmers 114 te nen hun hman ho a ni.
Chawhma lamah Saikhumphaia vaimim chinna hmunpui a tlawh a, hetah hian vaimim sengna hun hman ani a, vaimim nuaina khawl hman dan practical demonstration neih ani bawk. Chawhnu lamah Vaphai Community Hall ah he pilot project hnuaia farmers te hnenah vaimim nuaina leh tarpaulin hlanna hun a hmanpui bawk a ni.
AH & Vety department chuan Bana Kaih hnuaiah he pilot project hi Saitual, Khawzawl leh Champhai District a khaw 11 ah te hian ranchaw tur vaimim chi tha leh bekang a chin tir mek a, he project hi kum thum awh tura duan niin cheng nuai 408 ruahman a ni. He contract farming hnuaiah hian chhungkua 542 awmin, Vaphai khua bikah chungkaw 114-in vaimim an ching ani.
He pilot project atang hian ranchaw tur vaimim ro quintal 6000 vel tharchhuah beisei a ni a, beisei ang tharchhuah anih chuan AH & Vety department Animal Feed Plant a vaimim kum khat mamawh chu phuhru tura beisei a ni. Vaimim tharchhuah te hi AH & Vety Dept chuan an khua theuh a Collection Centre atangin Rs 28/kg in a leisak vek dawn a ni.
