Dated 10th July 2025,Nilaithawhtanni,Chawhnu dar 1:00 pm khan Hon'ble Minister AH & Veterinary Department Pu C.Lalsawivunga chuan District Veterinary Hospital Hnahthial, Electric veng ami chu a hawng,He hun hi Pi K.Vanlalruati Deputy Commissioner Hnahthial in a kaihruaia a,In lawmna thu Dr M.Zohmingthangi Addl Director (VS&PH) hnen atangin ngaihthlak a ni.Dr F.Laltanpuia Addl Director (AH&DD) in technical report a pe a, District Veterinary Hospital, Hnahthial chu NABARD RIDF XXVII funding atangin Rs 235 Lakhs hmanga Perpetual construction & Consultation services,luangmual,Aizawl sak ani a,District Veterinary Hospital hi RCC building chhawng khat a sak ani a,Doctor room, Laboratory,store room,ran entir tur in ziahluhna room,consultation room leh ran zaina room te a awm a,hei bakah hian Chief Veterinary officer's quarter leh Veterinary officer's quarter a tel bawk ani.Khualzahawm Pu Jeje Lalpekhlua MLA chuan thusawiin District Veterinary Hospital hawn ani chu lawmawm a tih thu a sawi a,Hnahthiala sorkar hnawthawk te thahnemngai leh zual turin a fuih a,Tun hnaiah Niti Aayog in hmarchhak District hrang hrangte Sustainable Development Goals index a tihchhuah tharah Hnahthial District in lawmman pakhatna a dawng chu lawmawm a tih thu a sawi bawk, Khuallian Hon'ble Minister AH &Vety Pu C.Lalsawivunga chuan thusawiin hruaitu hmasate tha leh zung,ngaihtuahna lo seng tute thahnemngaihna zarah District Veterinary Hospital,Hnahthial hawn theih ani chu lawmawm a tih thu a sawi a, District Veterinary Hospital chu tangkai taka hmang turin a sawm bawk,Theihtawp chhuaha enkawl leh tihchangtlun Department in a tum zel dawn ani ati, Ramin intodelhna turin hruaitu hmasa ten theihtawpin bul an lo tan a,hruaitu hmasa kaltate zahna chibai ka buk ani ati.Intodelh tura ngaihtuahna sen angaia,hemi khawngah hian sorkar hnathawk mithiam te leh kuthnathawktute Kan harh thar angai ati.Sa leh artuia in todelhna turin Department in hma a la chho zel a,Thenzawla AH& Vety Farmah Mega Egg Production project kalpui mek ani a,Ranchawa intodelh nan Vaimin tharchhuahah hmalak ani bakah Ranchaw chinna nasa taka zauh ani bawk ati,Rinawmna nen theihtawp chhuaha ram leh hnam tana thahnemngai taka tawk turin kalkhawmte a sawm bawk.Pu P.C.Lalremruata Chairman Hnahthial Town Joint VC hnen atanga thusawi ngaihthlak ani bawk.Dr C.Sanghluna DAH&VO,Hnahthial in lawmthu sawina in hun a khar a,He hunah hian Lunglei Municipal councillorte,Hnahthiala sorkar Department hrang hranga thawktute leh khawtlang hruaitute an tel ani.
Issued by Information wing
AH & Veterinary Department
Government of Mizoram
