Aizawl, Dated 17^th June 2026 : Vawiin chhun dar 11am khan Pu C.Lalsawivunga, Hon’ble Minister AH & Vety Department, Horticulture Department etc chuan 13^th Horticulture Fair 2026 chu Lammualah a hawng a, a hawnna inkhawmah hian Minister of State Prof. Lalnilawma, MIFCO Chairman Pu Lalthazualal leh Dr Lalrotluanga Sailo Director, AH&Vety Department leh Horticulture Department hotute pawh an tel. Pu C. Lalsawivunga chuan Horticulture Fair in a tum ber chu kuthnathawktute’n an dehchhuah awmze neia an hralh chhuahna atan anih thu a sawi a, Aizawl khawpui leh a chheh vela chengte chu Fair a inpho te duhsak taka an thil zawrh te chu leisak turin a sawm. AH& Vety Department chuan stall siam tura sawm a nih angin stall pakhat siam a ni a,he hmunah hian Department tharchhauh Hay,Artui,A.I equipment leh information flyer, banner leh magazine te dahchhuah ani a, vets entrepreneur Dr Suzanne Malsawmthangi siam feed supplement leh Dr Vanramhlimpuii siam Value additions sausage,meat balls etc te phochhuah ani bawk. Horticulture Fair hi kum 2012 atang khan neih tan niin, kumin hi a vawi 13 na a ni a, He hun hi fur ruahtui Mizoramin a dawn that hun, thei leh thlai chi hrang hrang kan phun hun mil ber turin June thla ah neih ber thin a ni. Horticulture Fair 2026 hi ni li awh (17-20 June 2026) tura ruahman a ni a, Stall inpho hi a vaiin 273 a awm a ni.

Issued by Information wing

AH & Vety Department

Government of Mizoram