Ni 13 November 2024 chhung dar 12 khan AH & Vety Minister Pu C.Lalsawivunga hoin, Sorkar flagship programme Hand Holding a pilot phase hmalaknate sawi ho a ni a, Dr Robert Rualthankhuma Nodal officer, Hand Holding, hnen atangin search team ten verification an neihna report-te a pe a, Pilot phase atana District AH & Vety Officer-ten an thlanchhuahte chu Ni 5-8 November chhung khan search team te hmun thumah in thenin Mizoram District hrang hranga Hand holding-a tanpuina diltute an inah kal chilhin an farm dinhmunte enin an titi pui a, Pilot phase atan hian diltu mi 67 te District hrang hrang atangin thlanchhuah an ni a, chung diltute chu Ar vulh 19, Kelvulh 8, vawk vulh 30, Bawng vulh 6, Ran Chaw siam 2, Meat/Meat Processing 2, an ni a, avaia Loan amount chu Nuai Rs 1700 chuang ani. Heng pilot phase atana thlanchhuahte hi Planning & Programme Implementation Department-ah Apex Body in an en fel leh tura theh luh a ni ang.
Minister chuan Hand holding lama Department-in chak taka hma a laknaah lawmthu a sawi a,a tul anga hma lak chhunzawm zel turin a fuih bawk a ni. He meetingah hian Spl. Secretary Pu Ajit Roy leh Dr R.Zothanmawii, Director bakah Hand holding lama Department mi pawimawhte an tel a ni.
Issued by Information wing
AH & Veterinary Department
Government of Mizoram
