Ni 9.8.2024 (zirtawpni) chawhnu dar 2 Khan Dr C.Lalrintluanga Director, A.H& Vety Department chuan District Veterinary Hospital, Khawzawl a hawng. He District Veterinary Hospital hawnna programme hi Electric veng YMA Hall,Khawzawlah neih ani a, Dr C.Zarzokima Addl Director (AH & DD) chuan kaihruaiin Dr F.Laltanpuia Jt Director (P&M) in Technical Report a pe a,District Veterinary Hospital hi RIDF-XXVII project atanga NABARD loan Rs 120 lakhs senga sak ani a, Perpetual Construction and  Consultancy service, Luangmual, Aizawlte sak a ni. 

21.9.2022 a sak tan niin 22.7.2024 a zak zawh a ni. A building hi mizo chhiar dana chhawng hniha sak a ni. Pu K.Vanlalthiana Deputy Commissioner, Khawzawl in thusawiin Veterinary Hospital thar hawn a ni chu lawmawm a tih thu a sawi a, ranvulh tute tan malsawmna tam tak a thlen ngei a beisei thu a sawi bawk. AH&Vety Department Director Dr C.Lalrintluanga chuan Veterinary Hospital thar sak anih theih nana hmalatute chungah lawmthu a sawi a, khawtlang leh Department lama mite thawhhona a pawimawh thu sawiin tangkai taka hmang turin a sawm a, mipui tana rawngbawlna pawimawh tak a nih theih nan leh tluang taka a kal theihnan duhsakna a hlan bawk ani. Pu Vanlalsiama Chairman, Joint Village Council, Khawzawlin thusawina a neih hnuin, Dr Ruby Ngurnunmawii Sailo DAH&VO,khawzawlin in lawmthu sawinain hun a kharna a nei.