District Level Coordination Committee on African Swine Fever (ASF) Aizawl District te chu Mizoram State Veterinary Council Hall, Khatla ah thukhawmin
Dr. Lalhriatzuali Ralte Aizawl District , Chairman ni bawk chuan a kaihruai a ni.
He meeting-ah hian Aizawl District chhunga vawk hri hlauhawm tak ASF hrileng hmasa (first wave) a vawk suat neitute , Sawrkar laipui leh Mizoram Sawrkar atanga zangnadawmna (compensation) hmu turte list chu enho a ni a, committee Chairman chuan vawk suat neituten zangnadawmna an dawng tur chu a lawmpui thu sawiin he list hi fimkhur tak leh uluk tak a endik anih hnuah lawm takin committee chuan a pawmpui tih a sawi . A.H & Vety Department hriatpuiin Aizawl District chhungah zangnadawmna dawngtu tur khaw 27 awmin , chhungkaw 1069 an awm a , Rs. 400,68,200/- semchhuah tur ani.
Chairman chuan he vawk hri hlauhawm tak darh zel tur ven nana mahni channa tur pawh pawi tilo a phal taka mahni vawk vulh laite suat tir tute chungah lawmthu a sawi tak meuh meuh a ni.
Tunah ASF hri thawh hnihna (2nd wave) a leng leh mek a, he hrileng hi kan dan chah theihna turin mitin te kan pawimawh vek a, mahni veng theuh a vawk talh tuten ASF hri laka himte chauh talh thin tur leh Vety Doctor-te hriatpuina leh pawmpuina lehkha neite chauh dawr thin tur leh rinhlelh awm te chu thuneihtute hnenah thlen vat thin turin a ngen bawk a ni. State dang atanga vawk emaw vawksa atanga eitur lakluh, a bikin sarep te , frozen food hrang hrang te chu ASF len ve lohna State , ASF free area atang chauh a lalut tur leh hmarchhak state thenkhat atanga vawksa rep emaw vawksa atanga eitur siamte lalut lo turin mipui te a chah bawk ani. Dan zawmlo te chu na taka hrem tur an ni tih a sawi lang bawk ani. Tin, ASF vanga vawk thi a awmin thla 6 chhung vawk in dah ruaka vawk in chu tih thianghlim reng tur a ni a, vawkvulhtuten heihi tha taka zawm turin a sawm bawk a ni.
Vawiin meeting ah hian, Aizawl SP, 2nd Assam Rifle, AMC, Commerce &Industries, BSF, CMO (E)te an tel a ni
