Dated 8th May 2025  Nilaithawhtan Dar 1pm khan Chief Minister Pu Lalduhawma chuan AH & Vety Farm,Thenzawlah Sial chi tha vulhna tur leh Artui thar chhuahna hmunpui tur bakah AH & Vety Farm chhunga in kal pawhna tur lei siamna tur lung phumna hun a hmang.He hun  hi Dr Lalrozama IAS Commissioner & Secretary AH & Veterinary Departmentin a kaihruaia, Dr F.Laltanpuia Jt Director (P&M) in technical report a pe, Sial tha vulhna tur project Breed Development  for Mithun conservation centre chu Rashtrya Gokul Mission (RGM) funding a ni a,Artui thar chhuahna hmunpui tur Mega Egg Production Farm dinna tur Rs 20.64 crores chu NABARD-RIDF-XXX atanga hmuh a ni a, ranchaw china hmuna inkawlpawhna tur lei pahnih siamna tur Construction of 2 Bailey Bridge to connect two fodder riparian areas siam nan Rs 83.32 lakhs NABARD-RIDF XXX atanga hmuh a ni bawk. Khual zahawm Hon’ble Minister AH & Veterinary Department Pu C.Sawivunga chuan   thingtlang hmasawna leh ranvulh tih punna kawngah Chief Minister hmalaknaah lawmthu a sawi a,tunah chuan entrepeneur ten ranvulh atanga eizawnna mumal hmu in, thiamna nena an hmalaknaah lawmthu a sawi bawk.AH & Veterinary Department in artuiah kan intodelh tur ani tiin ngaihtuahna an seng a,chak taka hma la in intodelhnaah min hruai dawn a, artuia intodelh tur chuan a chawah intodelh a tul a, hemi kawngah hian sorkar flagship program Handholdingah vaimim tharchhuak tam turin pilot projectin kalpui a ni dawn a, Bawngvulh lamah pawh thar thawh leh mek in,Hriselna tha nei tur chuan kan tharchhuah ngei kan ei angaia chumi tur chuan taima taka kan thawh angai ani a ti.

Khuallian Hon’ble Chief Minister Pu Lalduhawma chuan kum tina artui leinan vaibelchhe tel kan thawhchhuah pawisa state pawnah a luang chhuak thin hi pawi a tih thusawiin,a chanve tala tih tlem dan tur ngaihtuah nise tih kal zelah project tha tak mai vety lamin an rawn siam hi a lawmawm hle a, kan project te tihhlawhtling kawngah theihtawp kan chhuah anga, tuna projectah pawh hian khawtlang leh Department te nen tha takin kan thawk ho dawn a ni ati.Mizo sial humhalh a pawimawh thusawiin,a chi tha kan neih angaia, vulh pung zel turin hmalak ani anga chubakah tun hma aiin artui thar chhuah lamah kan  tla hniam a, a hnungtawlh zawngin kan kalnaah hmalam pan leh turin bul kan tan tha leh anga kan vaiin thang harh ila kan project te Pathian kutah kan hlan anga,kan ram rawngbawlna a lo nih theihna turin phur tak leh taima takin theihtawp i chhuah ang u ati,Thusawi Hon’ble Minister Professor Lalnilawma leh Dr Lalzampuia Scientist,NRC-Mithun,Nagaland te hnen atangin ngaihthlak ani a, Lawmthu sawina in  Dr R.Zothanmawii ,Director,AH & Veterinary Department in hun a khar a ni.

 

 

 

 

 

 

Issued by Information wing

AH & Veterinary Department

Government of Mizoram