Aizawl Dated 3^rd June 2025, Thawhlehni : Vawiin Dar 11am khan Directorate of AH & Veterinary Department,Khatlaah Bawngvulh lama hma la tha thlanchhuah te hnenah ran kah rai (Artificial Insemination) chungchang inzirtirna tur hun hawnna neih a ni.He hun hi Dr F.Vanlalruata Joint Director (LD&B) in a kaihruaia,Joint Director chuan bawng zaa sawmhnih (20%) te chuan rai lamah harsatna an nei thin a,chutiang chu ngun taka zira enkawl that chuan chu harsatna chu siam fel theih a ni ati,training tura lokal te pawhin thahnemngai taka zir turin a sawm a,Dr F.Laltanpuia Additional Director (AH&DD) chuan training chungchang sawi hawnna neiin Government of India chuan Bawngvulh chungchang a ngaipawimawh hle a,Mizoram hi tun dinhmunah chuan bawngvulh lamah kan hnufual hle a chuvangin hemi kawngah hian hmalakna tur tam tak a awm ani ati,kum 2019 a chhiarpui neihah Mizoramah bawng 45,701 a awm lain tun hnaia dinhmun lakkhawnnah chuan bawng 13,042 chauh a awm tawh a,chuvangin kan bawng neih chhun te uluk taka enkawla kan vulh pun nasat angai ani ati,  Khuallian Dr R.Zothanmawii  Director chuan kan ram bawnghnuteah kan intodelh lo hle a,kan bawngvulh leh bawnghnute kan tharchhuahte pawh nasa takin a tlahniama chuvangin hemi kawngah hian tan kan lak angai ani ati,tun tum trainingah hian bawngvulh lama hma la tha zual  Mizoram hmun hrang hrang a mi thlanchhuah mi paruk te hnenah zirtirn pek tur a ni a,training tura lokal te thahnemngai taka in zir turin a fuih bawk, Training hi 3-6 June 2025 chhungin Artificial Insemination Training Centre,AH & Vety Farm,Selesihah neih a ni anga.Zirtirna pe turin Resource person Dr MS. Dawngliana   Veterinary Officer,N.Vanlaiphai leh Dr K.Lalchhanhima,Veterinary Officer,(MVU) te an ni.He ni li chhung hian theory leh practical te uluk taka neih pui an ni ang.Dr B.Lallawmsanga Deputy Director (C&MD) chuan lawmthu sawina in hun a khar.

Issued by Information wing

AH & Veterinary Department

Government of Mizoram