Ni 9 October,2024 Dar 11am khan Conference Hall,Veterinary Polyclinic Hospital,Khatla Aizawlah Hon’ble Minister AH & Vety Department Pu C.Lalsawivunga chuan ASF vanga vawk suat te tan compensation releasena leh ASF hri chungchang in hrilh hriatna hun a hmanpui.He hun hi Dr R.Zothanmawii Director AH & Vety Department chuan a kaihruaia,Minister chuan Hetiang hun tha tak an nei theih avangin Vawkvulh lama hruaitute leh Department officer leh staffte chungah lawmthu a sawi a,ASF avanga harsatnate state calamityah puan theih a la nih rih loh dan sawiin Dan lamah harsatna a la awm avangin buaipui mek anih thu a sawi. Vawk vulh tute leh Department lam te tan tlan zel a,harsatnate sawiho a a kawng zawn ho zel angai ani,ati.Kum 2022 a ASF vanga vawk suatte tan ASCAD compensation dil a ni a,dil zawng zawng za a 25% chauh centralin a lo phalsak a,Mizoram sorkarah dil belh ani bawka,avaiin Rs 263 lakhs chu beneficiaries zawng zawng chhungkaw 1847 hnenah 25% theuh sem ani dawn a,a dang 75% chu hmuh leh thuai beisei ani.
Departmentin thawktu indaihlo chungin mipuite harsatna su kiang turin theih tawp a chhuah a,an tlin tawkah an thawhrim em avangin lawmthu a sawi a. Centralah ASCAD hnuaia funding pattern chu 90:10 ni turin rawtna thlen anih thu a sawi bawk. Kuthnathawktute tana innghahna tlak ni turin tan lak an tum dawn a,hemi tur hian Department pawh a in buatsaih a, ASF hi Mizoram hian kan tuar na viau a,North East state dangin an tuar ve na in an puangzar ve lo a,a chhan erawh hriat ani lo.Vawk thi paih mai mai duh te kan la awm hi a pawi hle a, hei vang hian a tuar lo tur ten an tuar phaha, hri hi nasa takin a darh phah ani ati.,rilru tha pu ila midangte harsatna thlentu nilo turin tan kan lak angai ani a ti bawk.He hri hi mihringin kan tuar lo tih vanga ran damlo te ei zawn nana zuar duh te an la awm bawk hi a pawi hle a, Hei vang hian mipuite kan fimkhur angaia ram dang atanga vawk chawkluhte pawh tih rih loh angai ani ati.
ASF vangin Vawkvulh tute hlauhna hi nasa tak ani a,kum 2021 ah ASF vanga Economic loss chu Rs 334 crore leh kum 2022 ah Rs 210 crore ani a.He hri laka fihlim tur chuan mipui kan fimkhura kan tanrual angai a, damdawi leh vaccine kan la neih loh avangin kan tuar na hle ani ati,He hunah hian Department officer leh staffte bakah vawkvulhtu pawl PIGFED leh MIPFA hotute an tel kim hle.
Issued by Information wing.
Directorate of Animal Husbandry and Veterinary.
Government of Mizoram.
