Dr RB Chaudhary representatives Animal Welfare Board of India chuan Ni 17-20 November chhung khan Mizoram a rawn tlawh a, AH & Veterinary Department Director Dr R. Zothanmawii leh Nodal officer-te hmuin, Animal Welfare Board of India dinchhan leh hmalak an tum dante a sawipui. Hemi hnu hian Animal Rescue Centre, JB Foundation din, Bungbangla a tlawh a, Center din tute Pi Ramzirsangi leh Pi Lalrokimi Pautu ten lo dawngsawngin Center te an fan pui a,Dr Chaudhary chuan mi tlawmngai leh ran hmangaih avanga thahnemngai tak tak ten Animal Rescue Center changtlung tak an din theih avangin lawmthu a sawi a,a hmun hma hawh tir tu AH & Veterinary Department chungah pawh lawmthu a sawi bawk,Animal Rescue Centre ah hian tun dinhmunah ui 40,kel 1,zawng 1 leh zawhte 12 an kawl mek a,Miin an enkawl chhunzawm theih loh te,an tihduhdah avanga enkawl tura an lak te,ran neitu awm lo khawlaia an chhar te helai hmunah hian enkawl an ni,a enkawlna senso chu mi tlawmngai ran hmangaihtute sum thawhkhawm te a ni deuh ber. JB Paws Hospital,Thuampui an tlawh bawk a,Ran tana Hospital changtlung tak an din chu fakin,hnathawktute nen ti ti ho na an nei bawk. Aizawl Municipal Coporation (AMC) Commissioner Pu Joseph H.Lalramsanga MCS kawmin Animal welfare chungchanga an hmalak theihna turte leh an mawhphurhnate hrilhriatna a nei bawk,Dr Chaudhury hi Animal welfare chungchangah North East State hrang hrangte fang kual tura lo zin a ni a,Dr Lalfamkima Deputy Director (VE&E), Dr C.Neihthangpuii Deputy Director (VPH) ten an tawiawm a ni.
Issued by Information wing
Animal Husbandry and Veterinary Department
Government of Mizoram
