Ni 20 April, 2022 (Nilaini) a 'District Level Co-ordination Committee on African Swine Fever', Dr. Lalhriatzuali Ralte, Deputy Commissioner, Aizawl

hova thukhawm chuan African Swine Fever (ASF) hri rawn leng thar leh chungchangah Aizawl District chhunga hma lak dan tur an sawi hova. Tunah hian

ASF hi hmar tlangdung khaw thenkhat – Sakawrdai, New Vervek leh Darlawnah te leng mekin, vawk 500 chuang thi tawhin, vawk 100 chuang suat ani tawh bawk a ni.

Member Secretary, Dr. R. Malsawma, District A.H & Vety Officer, Aizawl chuan hrileng mek dinhmun report pein, hma lak dan tur sawi ho a ni.

1) Aizawl District chhunga Prohibition Order awm mek chu Department a thawkte leh Police, Assam Rifles leh BSF te nena thawk hova khauh taka kalpui an rel.

a) Aizawl District chhungah ramdang atang leh District dang atangin A.H & Vety Department atanga phalna neite chauh lo chuan, vawk leh vawksa atanga siam reng reng lak luh phal a ni lo.

b) Hmun dang atanga vawk lalut tur ten an lakna tur hmun atangin ASF free certificate an nei ngei tur a ni.

c) Vawk thi reng reng paih mai lovin, thuk taka phum zel tur a ni.

d) Vawk hrisel leh thianghlim,Veterinary Doctor ten talh tlak ni a an ngaihte chauh talh tur a ni.

2) Prohibition Order bawhchhiate reng reng chu an chungah na taka hremna lek kawh anih theih nan a tul anga FIR thehluh zel nise tiin an rel.

3) ASF Awareness Campaign hi khawtin leh vengtin a Local Council/Village Council kaltlanga a tam thei ang ber kalpui nise tiin an rel.