Dated Aizawl 16th June 2026 : Vawiin dar 1pm khan AH & Vety Minister Pu C.Lalsawivunga chuan Hortoki rama Ranchaw chinna hmun (Fodder Plantation) sorkarin a siam thar tur chu a hmunah tlawhin hmalak zui dan tur a enfiah. Minister chuan, "Hortoki khuaten an ram chhungah Ranchaw chinna tur hmun tha tak mai, Mizopa tin 80 vel chin theihna tur min pe hi an chungah sorkar kan lawm takzet a. Sorkar chuan beihpui thlak nghal kan tum a, ran chaw chi hrang hrang he hmunah hian chin kan tum dawn a, ran vulh lama eizawng tan leh Mizoram mipui tan pawh chhenfakawm tak tur a ni," a ti.
Fodder Plantation thar tur hi Hortoki Local Council II chuan sorkar mamawhna hriain AH&Vety Department hnenah phal takin an pe a, helai ram hi Hortoki khua atanga hla lo te, Aikawn ram niin ran chaw chi hrang hrang chin theihna tur hmun zau leh zawl nuam tha tak a ni. Minister hi Pu Lalsangliana, Secretary, AH & Vety, Dr.Lalrotluanga Sailo, Director AH & Vety, Dr B.Lallawmsanga Jt Director (P&M) leh Department Official te bakah Hortoki khawtlang hruaitu V/C leh Branch YMA bakah Tuirial ZPM Block hruaituten an tawiawm a ni.
Issued by Information wing
AH & Veterinary Department
Government of Mizoram
