20^th  June 2025, Zirtawpni tlai dar 3 (3PM) khan Hon'ble Minister AH& Vety Pu C.Lalsawivunga'n Zoram Poultry Development Society, Tanhril kum 10 tlin lawmna ZPDS Hatchery tualzawl, Tanhrila neih a hmanpui.

He hun hi Dr R.Zothanmawii Director & Chairman, ZPDS in a kaihruaia, Dr V.Lalzarzova Managing Director   hnen atangin report ngaihthlak a ni,Zoram Poultry Development Society chu ni 18 May,2015 khan AH&Vety Department farm "Regional Broiler Chicken Farm" Tanhril awmna thin a din a ni a,a tirah NABARD RIDF (XVII) 2012 leh RVKY sum hmanga ar note karkhata 20,000 thar thei tura din a ni a,NABARD RIDF (XXVI) 2020-21 sum leh SASCE 2021-22 sum hmangin karkata ar note 40,000 ve ve thar theihna tur a tihlen a ni a. Tunah hian karkhatah ar note 1,00,000 thar theihna khawl a awm mek a ni.Kum 2024-25 audit report ah chuan operational value Rs 1,05,30,313.50 a ni a,kum khat profit margin atanga 25% hi sawrkar revenues chhun luh thin a ni a,Kum 2016-2017 atanga kumin 2024-25 thleng a revenue chhunluh tawh zat hi Rs 33,63,984.89 a ni.Khuallian Minister Pu C.Lalsawivunga chuan thusawiin ZPDS hotu hmasate chungah ram intodelhna tur kawng an lo ngaihtuah thinaah lawmthu a sawi a,Kan thlen chinah lawmna tur tam tak awm mahse hmasawn zel turin a chah bawk,mipuite hnenah ar leh artuite man tlawm zawka pechhuak thei turin duhsakna a hlan a,sorkar hmalakna in Thenzawlah artui thar tam turin Mega Egg project kalpui mek ani a,ran chaw a intodelhna turin vaimin thar na tur project siam mek ani bawk ati,AH & Vety chu ranvulh tute tanpuitu an nih angin thahnemngai taka mipuite tana thawk zel turin a fuih bawk.ZPDS hian governing body a neih bakah thawktu Managing Director 1 leh staff 15 an awm mek a ni.Dr M.Zohmingthangi Addl Director (VS&PH) in lawmthu sawina in hun a khar.

Issued by Information wing

AH & Veterinary Department 

Government of Mizoram