Dated, Aizawl the 7 January 2026, vawiin chawhma Dar 10:30am khan Mizoram State Veterinary Council Conference Hall,Khatlaah kum 2026 atan AH & Veterinary Department officer ten Pu C.Lalsawivunga Hon’ble Minister AH& Vety ho in inhlantharna hun an hmang. He hun hi Pu C.Lalsangliana,Secretary in a kaihruaia,Dr K.Lalhlimpuii Jt Director (LH) in hunserh a hmang. Minister chuan Pathian hruainaa kum 2026 dam taka an thleng thei chu lawmawm a tih thu a sawi a,Department officerte kum tharah rilru thar nen inpekna tharin an thiamna te mamawh tute tan hmang turin a fuih a,mipui ten min beiseina angin theihtawp chhuah a an mawhphurhnate hlen turin a chah,Kelvulh leh bawnghnute lama intodelh tura tan lak angaih thu a sawi a,ranchaw lama harsatnate sut kian dan ngaihtuah a tul zia a sawi bawk. kal khawmte taksa leh thlarauah Pathian malsawmna dawng turin duksakna a hlan bawk.Secretary kaihhruaina in chawhnu lamah technical session neih a ni a,he hunah hian Department hmalakna tur hrang hrangte sawi ho ani. He inhlantharnaah hian Directorate, Secretariat  leh District a officerte an tel kim hle.