Aizawl 25th July 2025 chhun dar 12 khan Mizoram State Veterinary Council Hall, Khatlaah Pu Lalsangliana Secretary AH & Vety hoin review meeting neih a ni. He hun hi Dr R. Zothanmawii Director-in a kaihruaia. Senior officer-e District hrang hrang atangin Jt Director (Southern zone), District AH & Vety officer te, Farm General Manager-te, Principal IAH&VTI leh Directorate a officer-te an tel kim hle.
Department hmalakna hrang hrangte Power point presentation neih anih hnuah sawi ho na neih ani a, Secretary chuan Animal Husbandry chu Central sorkarin ngai pawimawhin May 2019 khan Ministry hran siamin Ministry of Fisheries, Animal Husbandry and Dairying (MoFAHD)a din a, chuvangin Department pawimawh tak a ni a, a thawktute pawh thahnemngai taka thawk turin a chah a, Department hmun pawimawh thenkhat MODAFER, Ramrikawn, ZPDS hatchery, Tanhril leh AH & vety,Farm, Selesih-te a tlawh tawh thu leh District lam te pawh a tlawh zel dawn thu sawiin Department in hmun hma thatak leh khawl changtlung tak nena hma a la chu lawmawm a tih thu a sawi.
Sorkar Flagship program Hand Holding a hmalakna te en ho a ni a, Scheme leh project kal lai leh hmachhawpte sawiho a nih bakah, ASF hrileng chungchang a harsatna hrang hrangte leh hmalakna tur te sawi ho ani bawk. He hunah hian senior officer 33 an tel a, tunah hian Mizoram Animal Husbandry and Veterinary service (MAH&VS) a post 115 awmah service lai 69 an awm mek ani.
Issued by Information wing
AH & Veterinary Department
Government of Mizoram
