May ni 9, 2024 tlai dar 4 khan MzSRLM leh A.H & Vety Department tang kawp ten an buatsaih A-HELP (Accredited Agent for Health and Extension of Livestock Production) 1^st batch training programme ni 17 chhunga neih chu SIRD&PR Auditorium, Durtlang Leitan ah a kharna hun hman a ni. He A-HELP training ah MzSRLM hmalakna Kolasib leh Serchhip District hnuaia Livestock Community Resource Person (Livestock CRP) mi 25 te an tel a. Training chhung hian Master Trainers ten ranvulh dan tha zawk zirtirna an pek bakah practical leh exposure visit te hmun hrang hrangah neihpui an ni a. A.H & Vety Department farm te, KVK Lengpui farm te leh Vety College, Selesih te fanpui an ni bawk.

A-HELP ni thei tur hian training a tel zawng zawngte chu tehfung hrang hrang hmanga endik annih bakah theory exam, practical exam, presentation  leh viva voce neihpui an ni a. He endikna (assessment) hi NDDB, Gujarat leh RSETI, SBI, Aizawl lama mithiamten an kalpui a ni. Training leh exam an paltlang hnuah mi 25 te chu pass vekin A-HELP ni thei turin an tlingta a ni. A-HELP tling tharte hi an awmna khua theuhah tangkai lehzualin Vety Department leh MzSRLM ten an hmang thei tawh dawn a. An bialchhunga ranvulh tute tan Vety Department kutke pawimawh tak an ni dawn a ni.

A-HELP kharna programme hi SIRD&PR Auditorium, Durtlang Leitan ah neih niin Dr. Lalhruaitluangi Sailo, Senior Core Faculty & Training Manager, A-HELP in a kaihruai a. Tin, training a tel aiawhin mi pahnihin thusawina hun an hmang bawk. Thusawina hun hi Pi Anindita Baidya, Deputy Group Head, NDDB, Gujarat leh Dr. R. Malsawma, Addl. Director, A.H & Vety Department ten hmangin A-HELP tlingtharte lawmpuina an sawi a. He programme ah hian A-HELP exam a titha mi 5 te hnenah chawimawina memento pek niin A-HELP ni tura inziaktling thar mi 25 te hnenah certificate hlan vek an ni bawk. Vote of thanks hi Dr. Zomuankima, COO, MzSRLM hnen atangin ngaihthlak a ni bawk a ni.