Ni 13th May 2026 Nilaini, Selesih : Chawhma dar 10:30am khan Hon'ble Minister AH&Vety Pu C.Lalsawivunga chuan AH&Vety Rest House selesihah Mizoram Veterinary Service Association Annual General Conference vawi 44 na chu khuallian niin a hmanpui.He hun hi Dr Robert Rualthankhuma President in a kaihruaia, Dr Michael V.Lalrinzuala V.O in hunserh a hmang a, Dr Lalrotluanga Sailo Director hnen atangin in lawmna thu ngaihthlak ani.Secretary report Dr V.Lalzarzova'n a pe in, Pu Lalsangliana Secretary AH & Vety khualzahawm hnen atangin thusawi ngaihthlak ani bawk.Minister chuan thusawiin AH & Vety Department hi kan ram economy in nghahna bulpui a ni a,sorkar hmalakna ti hlawhtling tura thahnemngai taka mahni zawn teuhah hna tawk turin memberte a fuih a,Artuia intodelh turin Mega Egg production project Thenzawlah kalpui mek a ni a,ASF avanga kan vawk vulh te nasa taka kan chan hnuah National Livestock Mission hnuaiah Animal Insurance chu ni 10 February khan kalpui tan ani a,he insurance hi India ramah pawh a nei tha ber kan ni a ranvulh tute pawh in an lawm thu an sawi a ti. Ranvulh tuten an ran te an insured ngei nan Department a hnathawk tute hma lo lakpui turin a chah a,Ran chaw lak tur te a van tawh avangin nasa takin bawng population a tlahniam a,hemi lamah hian tan la in Department chuan ranchaw fodder nasa taka ching turin hma la in Mizoram hmun hrang hrangah ram te a en mek ani ati, ranvulh tute an ina kal chilh a,an harsatna te sut kian pui thin turin member kalkhawm te a chah a,mahni zawnah rinawm leh thahnemngai taka thawk turin a fuih bawk.He hunah hian MVSA member Dr Malsawmtluangi Ralte in Best PhD thesis Award a dawn avanga lawmpuina hlan ani a,Dr Rosangzuala Secretary i/c Organization in lawmthu sawina in hun a khar. Dr TC Lalthanzauva Vice President chuan chawhnu hun a hruaia Finance report, Awareness program,Annual conference rorel bakah member pension tur thlahna hun hman a ni.MVSA hi 15th October 1975-ah Mizoram Veterinary Association (MVA) ti a din ani a,tunah hian AH & Vety Departmentah MAH&VS post 115 awmah thawklai 73 an awm mek ani.
Issued by Information wing
AH & veterinary Department
Government of Mizoram
