MVSA Annual Conference vawi 39-na chu Ni 31 March (Zirtawpni) 2023 khan Vety Rest House, Selesihah hman a ni a, 1^st  session chawhma dar 10-ah tan niin Chairman Dr R.Malsawma, President in a kaihruaia, member 71 kalin, mi 12 in an pha bawk a ni.

Member chatuan ram min pan san tute Dr Zirsangliani (L), Dr Vanlalhruaia Pachuau (L), Hon’ble member Dr L.S.Hrahsel (L) leh Dr L.Siamliana (L) te sunna hun hman ani a,hemi zawh hian rorelna hun neih ani, Agenda 3 pawimawh tak tak te sawiho a ni a, 2^nd  session hi 2:30Pm ah tan leh a ni a; chairman Dr Robert Rualthankhuma, Vice President-in kaihruaiin Welcome address Dr Lalrinpuii sailo Director AH & Vety & Adviser a nei a, chumi zawhah Guest of Honour Pu Lalmuanpuia MLA,Vice-chairman SEDP leh Chief Guest Er Lalrinawma Hon’ble Minister AH & Vety hnen atangin thusawi ngaihthlak a ni leh a, Minister chuan Department rawngbawlna ropuizia te sawiin ran kan vulh thinte an thang theilo a, an fek em em a, ei an tling har em em thin a, tunah chuan thang duang chak leh thau chak takin kan thlak tawh a Bawnghnute pawh kawtthler tinah lei turin an in chhawp chhuak tawh a, kan hnianghnar tawh thu leh Vety Department-in theih tawp a lo chhuahna a zarah ram in hma a sawn a, a lawmawm thu a sawi.