Ni 26 February khan 16th Finance Commission Team te chuan Dilpui,AH & Vety Farm,Thenzawl an tlawh. 16th Finance Commission Team hi an Chairman Dr. Arvind Panagariya in a ho a,AH & Veterinary Department aiawhin Dr F.Lalramhluna Addl Dir (VS&PH) leh Senior officer ten an lo dawngsawng.Dilpui hmunah hian Inkawm ho na hun pawimawh tak neih a ni a, AH & Vety Farm Thenzawl lo in indin tan dan atanga tun dinhmun an thlen chin te,Thenzawl mipuiin an chhawr tangkai dan te, hmasawnna tur la awm leh hmachhawp an neih te Dr Robert Rualthankhuma DD(P&M) hnen atanga ngaihthlak a ni a. Department mamawh chi hrang hrangte tarlangin,Document kim chang tak pek an ni a,16th Finance commission Team te lakah beiseina sang tak an neih thu an lo hrilh bawk. 

            AH & Vety farm Complex,Thenzawl hi 1980 khan North Eastern Council  (NEC) fund hmanga bul tan a ni a,A ram zau zawng hi avaiin Acre 769 a ni.He Farm chhungah hian section paruk - Fodder Farm,Poultry Farm,Goat Breeding Farm,Mithun Farm leh Livestock Eco-Park leh Training center te  awm a,Heng zawng zawngte hi General Manager ho a enkawl a ni.He farm chhungah hian kum 2025-26 chhungin project lian tak tak pahnih siam tura ruahman a nih bakah Dilpui behchhan in project buaipui mek a ni.He hunah hian Department aiawhin Dr B.Lallawmsanga DD(C&MD),Dr Lalhmangaiha DD(F&FD),Dr Ch.Lalthafamkima GM.Thenzawl,,Dr H.Vanlalrawna DAH&VO, Serchhip leh Dr Lalmuanpuia Samte DAH&VO,Lawngtlai te an tel.