News(Mizo)

                Launching  Programme of Piglet Distribution under NLUP 3rd & 4th Phase:

           Ni 7 November 2016 (Thawhlehni) hian NLUP 3rd & 4th Phase hnuaia vawkvulh thlang tute hnena vawkte sem tanna Launching  Programme of Piglet Distribution under NLUP 3rd & 4th Phase hun hman a ni. Aizawl ah chuan AH & Vety dept.Polyclinic Hospital Conference Hall ah hmangin khuallian  AH & Vety Minister in a hmanpui.

    PRRS hrileng avanga thla 6 chhung zet NLUP vawkte sem chu chawlhsan a nih hnu ah November ni 7 2016, Thawhtanni atang hian sem tan leh a ni dawn ta a. "Launching of piglet distribution hmanpuitu AH & Vety Minister chuan ‘rethei te chhawmdawlna atan a sawrkar Flagship programme chu kum 2011 atanga in tan in, 1st phase ah a pawisa fai a sem a nih avangin vawkte thar chhuah a ni lova, 2nd phase ah supplier thlanga vawkte sem a ni a, vanduaithlak takin PRRS hri leng avangin vawk tam tak an thi leh a, hei hian vawk vulh tute tan channa nasa tak a thlen a, sawrkar ah pawh heng chan tute tan a tanpuina/ral na tur pawh dil a ni nghe nghe a ni. Amaherawh chu he 2nd phase a vawk sem atanga vawk note lo piangte ngei chu 3rd & 4th phase ah hian sem tur a lo awm ta hi a lawmawm hle a ni.  Beneficiary tin te hnenah vawk 6 theuh sem tur a ni a, tun dinhmunah chuan a in daih rih dawn lova, a tahtawl a sem a tul dawn a ni,’ a ti.

    Dr. Vanlalenga Nodal Officer NLUP, AH & Vety Department in report a pek ang chuan, Mizoram chhunga vawkte ngei chauh sem chhuah a nih theih nan AH & Vety Department in Operation Guideline a siam ang chuan Vawkvulh thlang beneficiary hi 8136 an awm a, vawk no te 6 theuh pek tur an ni a, vawkte mamawh zawng zawng chu 48978 zet a ni. He mi atan hian district tinah vawkpui awm zat leh vawk no te tharchhuah zat survey neih a ni a, NLUP Implementation Board pawhin ngun tak a a ngaihtuah hnu in vawikhat a pe vek lova, a tahtawl a sem tur in thu tih tluk a ni ta a ni.

    AH & Vety Department in Operation guideline for distribution of piglet under NLUP 3rd & 4th phase a siam ah chuan - district tin a VLNC te leh DVO te thawh ho na tur te , sem tumkhat naah vawk note 3 theuh sem phawt tur te, beneficiary tin te chu vawkpui 2 leh fattener 4 theuh an vulh tur te, vawk note 1 man hi Rs.5000/- zel a nih tur thu te, beneficiary te atangin DVO ten APR an lak vek tur thu leh VLNC te leh Department a thawk tu ten an vil zui reng tur thu te a tel a ni. Tin vawk note man hi a vulh tute hnen ah APR mil zel in a sum fai a hlan nghal zel tur a ni ang.

    Dr. R.C. Lalmuana DVO Aizawl pawhin Aizawl district chhungah vawk vulh beneficiaries mi 2680 an awm thu sawiin, Aizawl district chhungah vawkpui 2756 a awm mek thu leh tuna vawkte sem chhuah tur te hi PRRS lak a fihlim vek an nih thu a sawi bawk.

    " Piglet Distribution launching programme" hmanna hun hruaitu Dr. Saingura Sailo, Director chuan Mizoramah vawksa kan mamawh reng a vangin beneficiary ten an vawk ti riral mai lovin an vulh pung ngei ngei tur a ni, tin, vawkte pek hmasak te hi ngun taka vil an ni dawn a thla 3 hnu ah review meeting neih leh tur a ni a, lo ti riral an awm a nih chuan a dang pek zui an ni dawn lo a ni' a ti. Sawrkar flagship programme ti hlawhtling tur hian department a hnathawk tu te pawh in theihtawp kan chhuah a tul dawn a ni' a ti bawk.***

 

 

...................................................................................................................................................................                  

WORLD RABIES DAY HMAN A NI:

                       September ni 28 hian AH & Vety Department leh Mizoram State Veterinary Council tangkawp te chuan Aizawl Veterinary Polyclinics Hospitalah leh District tin a Vety Hospital ah Ui vulh tute tan Ui A hri danna Vaccine a thlawn in an pe. Free Vaccination programme hi vawiin World Rabies day denchhena hman a ni a.Aizawl leh District hrang hrangah Ui engemaw zat te chu Anti Rabies Vaccine pek an ni.

                      ‘World Rabies day’ hi khawvel hmun hrang hrangah kum tinin hman thin a ni a. Rabies Vaccine (Ui A hridanna) siamchhuak tu French Scientist ropui Louis Pasteur-a thih cham hriatreng nan September ni 28 hi Ui vulh tute zirtirna pek leh Vaccine pek na hun atan te, he natna tihbaiawm tak tihremna tur a tan a hmalakna ni pawimawh ah hman a ni thin a ni. 
                       Rabies natna thlen tu hi virus chikhat  Rhabdoviridae family niin,  Lyssavirus a ni, natna hrik te em em mai a  ni a, mihring leh ran tisa (muscles) leh thazam (nerve cell) a an  lo luh ve leh an lo in thlahpung nghal thin a, rangtakin thluak (central nervous system) an lo thleng nghal thin a ni. He mi hnu hi chuan thazam zawhin taksa peng dangah an lo thleng ve leh thin a, chil bawm ( Salivary gland) ah te awmhmun an khuar ta thin a ni.

                      Rabies natna hrik in a luhchilh te hi a tirah chuan hritlang satliah angin an na phawt a, chumi hnuah chuan an taksa then lai alo zeng a , an  muhil thei lovin, an awm hle hle thei lo a, an hriatna te a lo bo zo thin. Tin, thil lem an harsat a,tuihal em em in awm mahse thil tuiril an in dawn in an hlauh leh si thin a vangin an thih thlengin an  tuihal em em thin.Tin, an chilphuan a tla nasa hle bawk. Ui a hri vei te hi 100 ah 99 in an thihpui thin.

                      Kum 1990 khan khawvel hmun hrang hrang ah Ui A hri Rabies a vang hian  mi 54000 in an thihpui a. kum  2010 a mi 26000 in an thihpui hi tlem tawh hle in lang mahse khawvel natna tihbaiawm tak a ni reng a ni. Ui a avanga thihna hi Asia leh Africa khawmualpui ah a thleng tam ber a, chung zingah chuan India hi ram khat anga thihna tam ber na a ni, hei hi a chhan ni ber a lang chu Ui khuahkhirh loh (stray dogs) an tam em em vang niin a lang a. India ram bik ah hian kum tin in mi 18000 atanga 20000 vel hi Ui a hri a vanga thi ang a chhut a ni. 

                     Tun kum 2016 World Rabies day thupui atan chuan ‘Rabies: Educate,Vaccinate and Eliminate’ tih a ni a, hei hian atum ber chu Rabies natna hlauhawm tak a vang a mihring te kan him na tur a tan a kan tih tur leh, kum 2030 ah phei chuan Ui A hri a vanga khawvel mihringte thihna a awm tawh loh na tur a tan a hmalakna a ni bawk. 

 

 

 

 

 PRRS hrileng chung changa AH & Vety Department hmalakna thenkhatte:

 

                        Kum 2013 March thla atang khan vawikhatna atan Mizoramah PRRS hri a leng hlauh mai , Government of India chuan ni 27 June 2013 ah OIE ah a hriattir bawk a. India ramah chuan Mizoram hi PRRS len hmasak na ber a ni. March thla laihawl vel a Aizawl PMC hrang hranga vawk damlo te atanga sample kan lak chu Department of Pathology, College of A.H. & Vety Science, Selesih ah thawn a ni a, amaherawh chu thla khat hnu ah pawh result min pek theih loh avangin serum sample chu ICAR Barapani ah thawn leh a ni a, PRRS Positive an ni tih hriat a ni a, heng sample te hi HSADL Bhopal ah an ni hian lo thawn leh in PRRV  Type II (Which is having close homogenicity to Chinese Strain) a ni tih hmuh chhuah ani. Hemi avang hian mithiamte chuan PRRSV hi Myanmar atanga lo lut a nih an ring ani. Kum 2013 a PRRS hrileng darh chak viau nachhan kha disease diagnose har vangah mithiam te chuan min puhsak nghe nghe.

                        Hri a leng tih hriat rual rual hian ( 22^nd March 2013) ah Director, A.H. & Vety. kaihhruaina hnuaiah Team 3 din nghal a ni a.

 

            1)         Treatment & Diagnostic Team

            2)         Public Relation Team

            3)         Data Collection & Recovering Team.

 

                        Heng Team hrang hrang te hian an thawh tur theuh tha takin an thawk thei a ni.

                        Ni 25 June 2013 a Experts Committee Meeting in a rel angin serum sample kan test a positive tawh ho chu cull vek tur a tih angin kan Department Farm Selesih leh PMC a mi ho te chu cull vek an ni a, private a mi pawh a theih ang anga tiral tura hriattir an ni bawk.

                        Tin, sample te hmun danga thawn zel a buaithlak avangin ICAR Barapani a training tura Department min hriattir angin July ni 8 – 9, 2013 chhunga PRRS Diagnosis Training turin Officer 2 thawn an ni a, heta tang hian Mizoram ah ngei pawh kan test ve thei ta ani.

                        Expert Committee in a rel angin Mizoram a vawk awm zawng zawng te screen vek tur a tih a ni a, amaherawh chu thawktu indaih lohna avang leh test kit a to em avangin tih hleih theih ani lova, tin, compensation hi a tlem em avangin sero-positive animals pawh kan cull sak thei lova, Chutih rual erawh chuan a rang lama tiral turin a neitute hnenah hriattir thin an ni.

 

                 Summary of porcine serum samples received and tested at D.I. Lab. Aizawl:

                                               

Kum 2016 a PRRS leng avanga thi report chu hetiang hi a ni.

 

                Expert Committee in Awareness Campaign nasa taka nei tura min tih angin Department chuan TV,Radio leh leaflet hmang te in nasa takin awareness campaign a kal pui a, Tin, UN Joint  Initiative hnuaiah A.H. & Vety. Department a Technical Staff i.e. Doctor leh Para-vets te phei chu Training mumal tak pek vek an ni. District tinah bial hrang hrang (cluster) siamin  Doctor emaw para-vets ten emaw chung bial chu an vil reng a, ran vulhtute tan training te buatsaih sakin natna hrileng a awm ve leh a rang thei ang berin thuneitute hnenah report in hmalak nghal tin a ni a, chutiang taka ranga hmalak nghal zung zung anih theih na turin incharge theuh te chu smart phone pek vek an ni. Heta senso hi FAO lam in an tum nghe nghe a ni.

            PRRS vaccine : PRRS Vaccine hi India ramah hmuh tur a awm lova, ramdang ami ngaihtuah a tha lawm ni tia rel chu Central Agricultural University lama Professor te Department hotuten an sawipui naah chuan heng vaccine te hi a effective chiah em tih leh kan rama hrileng ‘strain’ thuhmun ani chiah em tih hriat chian anih loh avangin hmalak chhunzawm anilo.

                Heng hmalakna chi hrang hrang bakah hian Department chuan thuneitute hnenah ngenna siam in ran lak luh khapna ( Prohibitory order ) thupek chhuah in District tinah Deputy commissioner ten an District huam chhung theuh ah ran lak luh khapna thupek hi a chhuah a ni.

 

PRRS Outbreak 2016

PRRS ni a rinhlelh report chu April 2016 chawlhkar thumna ah Champhai ah dawn a ni a, thisen sample leh tisa (tissue) sample ran damlo leh ran thi atanga lak a ni a. Department of Microbiology, College of AH& Vety Science, Selesih Mizoramah test tura submit nghal a ni. PCR technique hmanga test a ni a PRRS positive leh Swine Fever negative result chu 28^th April 2016 ah dawn a ni. Hetih lai hian Lunglei, Lawngtlai leh Serchhip ah natna PRRS ni a rinhlelh sample te la in test chhunzawm a ni a, tun thleng a DI Lab leh hmun danga sample kan test tawh dan chu hetiang hi a ni

 

Result of Serum ( blood ) tested for PRRS as on 21/7/2016

 

 

Result of Tissue Sample tested

 

 

No of samples sent to National Institute of High Security Animal Disease Bhopal :

1)         Tissue sample  -  19 nos

2)         Serum sample -  183 nos

Bhopal a kan sample thawn te hi PRRS a ni tih confirmed niin kum 2013 a leng strain Type II Chinese Strain ang tho kha a ni tih hmuhchhuah a ni

 

Dead Report as on 13/7/2016

Champhai District       -            2943 nos

Lunglei District            -           230 nos

Serchhip District         -            322 nos

Lawngtlai District        -              50 nos

Saiha District               -            40 nos

Aizawl District             -              3 nos

TOTAL                       =          3585 nos

 

Name of Affected Villages:

1.         Champhai District:

            1)         Champhai Town including Ruantlang, Zotlang, Hmunhmeltha

            2)         Bungzung

            3)         Zokhawthar

            4)         Biate

2.         Serchhip District:

            1)         Serchhip Town

            2)         N.Vanlaiphai

            3)         Thenzawl

            4)         E.Lungdar

            5)         Chhingchhip

            6)         Chhiahtlang

3.         Lunglei District:

            1)         Lunglei Town

4.         Lawngtlai District:

            1)         Lawngtlai Town

            2)         Kawlchaw W

            3)         Thingkah

5.         Saiha District:

            1)         Saiha Town

6.         Aizawl District:

            1)         Mel 8

            2)         Chamring

            3)         Saitual

 

Department Hmalakna :

 

1)            Champhai a PRRS natna rinhlelh a nih atangin District AH & Vety Officer Champhai leh Staff ten serum leh tissue sample an la nghal a rang takin test tur a thehluh nghal a ni. Department of Microbiology, College of AH & Vety Selesih ah PCR hmanga test niin PRRS positive a ni tih confirm a ni.

2)         3^rd May 2016 ah Rapid Response Team ( Nothern Zone) member te chu Joint Director(LH) kaihhruaina in Champhai ah damdawi te leh thil tul te kengin an kal nghal a. Tichuan 4^th May 2016 ah Joint Director ( SZ) kaihhruaina in Lunglei leh Lawngtlai ah tirh nghal an ni bawk. Sample te la in a tul anga treatment te pe in hma an la a. Vawk vulh tu te tan training an buatsaih bawk.

3)         Champhai ah hian ran thi te an tam avangin phum bo zung zung a ngai a, Deputy Commissioner Champhai leh Sub-headquarters YMA ten hma an la a an chungah Department a lawm hle a ni.

4)         Rapid Response Team te hian khawpui chhehvel thingtlang khua te leh Myanmar atanga ran rawn luhna Zokhawthar te tlawh nghal in PRRS Awareness Campaign an nei nghal bawk.

5)         Natna lenna hmunah hian a tul angin special messenger hmingin damdawi thawn luh nghal zel a ni.

6)         Proposal of Action Plan for Control oand Containment of PRRS buatsaih nghal a ni a, special messenger hmingin  Government of India, Ministry of Agriculture & Farmer Welfare, Department of Animal Husbandry, Dairying & Fisheries, Krishi Bhavan New Delhi ah thawn nghal a ni a. Government of Mizoram ah quarantine camp siam na tur leh thawktu hnaruak hnawhkhah dil na te, para vets rawih belh nate proposal siam a thehluh a ni bawk.

7)         District officer zawng zawng te nitin PRRS avanga ran thi leh damlo zat report Directorate ah hriattir tura ngen an nih angin tha takin kalpui mek a ni. Ran damlo sample te rang taka DI laboratory a thawn nghal zel tura hriattir an ni a hei pawh hi tha taka kalpui zel a ni.

8)         District tinah District Rapid Response Team siam tura tih an nih angin DVO tin ten tha takin hma an la a ni.

9)         Department in Sorkara a ngen angin District tin a Deputy Commissioner nen ramdang atang leh State dang atang te District dang atang te a ran lakluh khap na thupek an chhuah a. Ran thi te tha taka phumbo tur in thupek an chhuah bawk.

10)       Government of India in ti tur a min tih angin PRRS screening ( 2% of total population) chu district tinah hmalak tan mek a ni.

11)       Training leh Awareness Campaign a hnuai ami ang hian neih tawh a ni.

 

 

....................................................................................................................................................................

 

                                     World Zoonoses Day

July ni 6. 2016 khan Mizoram Veterinary Council leh AH & Vety Department
tangkawp te huaihawtin ‘World Zoonoses Day’ chu Mizoram a district tin a Vety
Hospital theuh ah hman a ni.
World Zoonoses Day hi khawvel hmun hrang hrang ah mihring leh ran in natna
kan in kaichhawn theih chungchang ah kan lo fimkhur thiam theih zawk nan leh inzirtirna
hun a tan te hman a ni thin. Mizoram ah pawh he World Zoonoses Day denchhen hian ui a
hri danna chu Mizoram district tin a Vety Hospital zawng zawng ah a thlawn in ui tam
tham tak chiu an ni.

 

 

---

 

FREE ANIMAL HEALTH CAMP CUM AWARENESS CAMPAIGN                           Dated: 14.6.2016

 

    Ni 14.6.2016 khan Animal Husbandry & Veterinary Department chuan NE. Khawdungsei, Khawkawn leh Chiahpui khua ah te Free Animal Health Camp leh PRRS awareness campaign a buatsaih a. Hemi ni hian Ran chi hrang hrang a thlawn a enkawlna a leh Ran hri danna leh damdawite a thlawnin an pe chhuak. Tin, tulai Vawk natna lar tak PRRS chungchang zirtirna mipuite hnenah pek ani. Heng khaw pathum te hian lawmawm an ti a hlawkthlak an ti hle hetiang hun buatsaih tute AH & Vety Department Commissioner K. Lalnghinglova, Doctor te leh Field Staff te chungah an lawm hle a ni.

  He hunah hian hetiang hian Ran chi hrang hrang te enkawl an ni.

    1. Anti Rabbies (bu a hri danna) = 36 nos.
    2. Swine Fever Vaccine (Vawkpul hri danna) = 37 nos.
    3. Vawk enkawl zat = 454 nos.
    4. Bawng enkawl zat = 42 nos.
    5. Lawi enkawl zat = 13 nos.
    6. Ar enkawl zat = 121 nos.
    7. Vawk thisen exam tur sample lak zat = 20 nos.

    He Free Animal Helath Camp ah hian Vety Doctor 6 leh Field Staff 6 te kalin awareness campaign neih a ni.