LAUNCHING PROGRAMME OF MODERN MEAT SHOP
Animal Husbandry and Veterinary Department-in Mipui ten sa thianghlim kan ei theihna tura MODERN MEAT SHOP hmun 11-a kan siam thar chu kan Minister zahawm tak Pu _ chuan Ni 1.7.2010 khan hawngin a tlawh nghal.Hawnna inkhawm kan Department Conference Hall-a neihah hian kan Minister chuan thu sawiin, ‘Mipuite sa thianghlim ei tir hi kan Department tum a ni a, mipuiin an hlut dan a zirin Aizawl veng hrang hrangah pawh kan hawn belh zel ang ,’ a ti.
Khual zahawm Pu T _ Secretary AH&Vety. chuan Modern Meat Shop network nei tur hian February 2010 atangin hma chak taka lak a ni a Thla nga chhungin kan hawng thei ta mai hi kan Minister chak tak leh Department Officer te thahnem ngaihna leh thawh rimna zar a ni , a ti.Hawnna inkhawm kaihruaitu Dr L B Sailo Director AH&Vety chuan ran atanga natna kai theih 100 chuanga awm thu sawiin sa thianghlimlo ei atanga natna kai theih a tam hle a, fimkhur a ngai, a ti.Sa thianghlim (wholesome meat) zawrhna dawr 11 hawn tharte hi a bul tanna a ni, a ti bawk
Heng Modern Meat Shop te hi Minister hovin chanchinbu-miten an tlawh kual ngal a.Hralh a tla tha dawnin a lang a ni.
Modern Meat Shop hi veng 11- Bawngkawn,Chaltlang Dawrkawn, Chanmari,Zarkawt, Dawrpui,Treasury Square,Khatla,Sikulpui kawn,Dinthar ,Vaivakawn,Ramhlun Venglai-ah te hawn a ni.Modern Meat Shop-a sa hralhna man tur(rate) chu kg khat zelah-Vawksa(a khel, a nak) Rs 170, Vawksa (a lu, a ke, a beng) Rs 130, Vawksa( a kawchhung)Rs 170.Bawngsa (a ti, a ir) Rs 210, Bawngsa (a ruh, a kawchhung )Rs 160,Bawngsa (a thin) Rs 250. te a ni ang.Kalphung mumal leh thianghlim zawka sa zawrh a nih dawn tak avangin sate hi Bazar rate aiin Rs 10 zelin a to thung dawn a ni.
He sa zawrhna dawrah hian sa dahthatna (Freezer) lian Rs 35,000 man theuh dah a ni a, dawr pakhat cheibawl nan Rs 75,000 vel theuh sen a ni. Ran hi kan Modern Slaughter House-a talh tur a ni a.He hmuna talh tur hi Meat Inspector ten uluk takin an enfiah ang a.Ran hrisel talh tlaka ngaih chu darkar 12 chhung chaw pelovin tui thianghlim chauh an pe anga.Na hrelo thei ang berin captive bold pistol hmanga tihhlum a ni anga,a taksa hrangte uluk taka enfiaha nih a, ei tlak a nih chuan thianghlim taka sawngbawlin Food Grade Polythene-a pack-in Modern Meat Shop-a zawrh turin sem chhuah thin a ni ang.
