Animal Husbandry & Veterinary Minister Dr K Beichhua chuan 26^th February, 2020  khan Selesih Artificial Insemination Training Institute ah Mizoram Veterinary Service Association Annual Conference vawi 36-na a hmanpui.

Dr Beichhua chuan Veterinary Service officer rual pungkhawmte hmaah fuihna thuchah sawiin, Vety Department-in Mizoram tan goal tam tak a thun theih nan an striker hi ball a tam thei ang ber an siamsak a pawimawh thu a sawi. 

Dr Beichhua chuan Mizoram sorkar hnuaia service hrang hrang te in mamawh tawn vek leh an pawimawh vek tih sawiin, mahni service chhuanpui thama hnathawh a pawimawh thu a sawi bawk. 

Mizoram sa mamawhna za zelah 36 chauh Mizoramin a thawhchhuah chu za zela 50 tal thawhchhuah a nih theih nan theihtawp chhuah turin Vety Officer rualte a chah nghal. 

Khualzahawm AH& Veterinary Board Vice-Chairman Lalmuanpuia, MLA pawhin thuchah sawiin, SEDP hnuaiah Vety Officer te chu thahnem ngai taka thawk turin a ngen. 

MVSA conference ah hian kum 2020-2021 hruaitu thar thlan ani nghal bawk:

President -Dr C Lalrintluanga

Vice President- Dr Robert Rualthankhuma

Gen. Secretary- Dr V Lalzarzova

Secy i/c Organization- Dr Ch Lalthafamkima

Secy i/c Information & Publicity - Dr Dr Ngursailova

Secy i/c Finance- Dr Esther Lalzoliani

Treasurer- Dr M Zohmingthangi